Súdan | 24. apríl 2023
Upplifa að stjórnvöld hafi yfirgefið þau
Breskir ríkisborgarar í Súdan upplifa sem þeir hafi verið yfirgefnir af stjórnvöldum í heimalandinu. Bresk stjórnvöld vinna nú að því að aðstoða ríkisborgara sína í Súdan við að komast þaðan eftir harða gagnrýni.
Upplifa að stjórnvöld hafi yfirgefið þau
Súdan | 24. apríl 2023
Setja bókamerki
Breskir ríkisborgarar í Súdan upplifa sem þeir hafi verið yfirgefnir af stjórnvöldum í heimalandinu. Bresk stjórnvöld vinna nú að því að aðstoða ríkisborgara sína í Súdan við að komast þaðan eftir harða gagnrýni.
Breskir ríkisborgarar í Súdan upplifa sem þeir hafi verið yfirgefnir af stjórnvöldum í heimalandinu. Bresk stjórnvöld vinna nú að því að aðstoða ríkisborgara sína í Súdan við að komast þaðan eftir harða gagnrýni.
Harðir bardagar hafa geisað á milli Súdanshers og uppreisnarhersins RSF í höfuðborginni Kartúm síðan 15. apríl síðastliðinn. Skriðdrekar fara um götur borgarinnar og hafa herirnir einnig beitt árásarþotum á borgina. Yfir 400 manns hafa týnt lífinu í átökunum og þúsundir slasast.
Kallar eftir aðgerðum
Andrew Mitchell, ráðherra þróunarmála, varði ákvörðun stjórnvalda um að setja það í forgang að ná sendiherra landsins, starfsfólki og fjölskyldum þeirra út úr landinu fyrst. Sagði hann að sérstök ógn hafi beinst gegn þeim.
Breski þingmaðurinn Tobias Ellwood, sem einnig er í varnarmálanefnd þingsins, hefur kallað eftir aðgerðum til að bjarga breskum ríkisborgurum frá Súdan.
„Ef slíkar áætlanir verða ekki gerðar í dag, þá mun fólkið missa trúna og reyna að komast þaðan sjálft,“ sagði Ellwood í samtali við GBNews. Hann sagði að þá gæti fólk komist í verulega erfiðar aðstæður.
Skammarleg viðbrögð
Einn Breti í landinu sagði í samtali við BBC að hann hafi neyðst til að skipuleggja flótta sinn frá landinu sjálfur á sama tíma og ríkisborgarar annarra landa hafi notið aðstoðar frá sínum stjórnvöldum.
Maðurinn, sem kom fram undir nafninu William, sagðist hafa komist með rútuferð frá Kartúm sem súdanskur vinur hans hafi hjálpað honum að komast í. Annar að nafni Iman Abugarga sagði að hann upplifði sem bresk stjórnvöld hafi yfirgefið hann. „Það er skömm af því hvernig stjórnvöldum hefur mistekist að takast á við þetta ástand,“ sagði hann í samtali við Daily Telegraph.
Um tvö þúsund manns með breskt vegabréf hafa látið vita af sér í Súdan.
