„Ef þetta kem­ur núna þá erum við með fullt af ferðamönn­um þarna upp frá. Það gæti orðið kat­ast­rófa ef það kæmi gos núna. Þetta eru hlut­ir sem við verðum að hugsa um.“

Þetta seg­ir Þor­vald­ur Þórðar­son eld­fjalla­fræðing­ur og vís­ar til þess að mikið landris hef­ur mælst við eld­stöðina Öskju.

Þrír senti­metr­ar á mánuði

Landið við Öskju hef­ur risið um 60 sentí­metra frá því að landris tók fyrst að mæl­ast þar í ág­úst árið 2021 og hef­ur risið um hátt í 30 sentí­metra frá því í sept­em­ber á síðasta ári, sem nem­ur um þrem­ur sentí­metr­um á mánuði.

„Þetta er eitt af því sem ég hef mjög mikl­ar áhyggj­ur af. Það er búið að vera mjög mikið landris í miðri Öskjunni. Mér finnst þetta vera merki um það að Askja sé að búa sig und­ir eitt­hvað.“

Frétt af mbl.is

Þokka­lega hratt landris mæl­ist í Öskju

Vit­um hver enda­lok­in yrðu

Hann bend­ir á að landrisið eigi sér stað á nokkuð grunnu dýpi sem bend­ir frek­ar til þess að um sé að ræða súra kviku sem gæti leitt til öskugoss. Þor­vald­ur ít­rek­ar þó að hann sé ekki að segja að eld­gos við Öskju sé vænt­an­legt en bend­ir á að landrisið sé vís­bend­ing um að eitt­hvað sé í aðsigi. 

„Og við erum að láta er­lenda ferðamenn labba þarna inn og út. Eins og er myndi ég loka Öskju. Ef það yrði gos með allt þetta fólk þarna á svæðinu þá vit­um við al­veg hver enda­lok­in eru. Eig­um við að taka svo­leiðis sénsa?“

Yf­ir­völd þurfi að grípa inn í

Hann seg­ir það ekki ásætt­an­lega áhættu að leyfa aðgang ferðamanna að svæðinu og biðlar því til yf­ir­valda að loka svæðinu í kring­um Öskju áður en það yrði of seint.

„Ég er all­ur fyr­ir ásætt­an­lega áhættu og að fólk fái að gera upp hug sinn ef það er upp­lýst um hverj­ar áhætt­urn­ar eru,“ seg­ir hann.

„En á meðan við höf­um þetta landris inn í miðri öskj­unni þá ætt­um við að loka Öskju. Ég ætla ekki að segja fólki hvað það á að velja en per­sónu­lega finnst mér að í svona til­fell­um þá þurfi yf­ir­völd að grípa inn í og hafa vitið fyr­ir flest­um.“

Frétt af mbl.is

„Það get­ur gosið á morg­un“

Stór­slysið á Nýja Sjálandi má ekki end­ur­taka sig

Hann seg­ir það mik­il­vægt að stjórn­völd komi í veg fyr­ir að stór­slys verði á Íslandi eins og varð í Hvítu­eyju við Nýja-Sjá­land árið 2019.

Alls lést 21 eft­ir að eld­fjall á Hvítu­eyju gaus í des­em­ber það ár en 47 manns, aðallega ástr­alsk­ir ferðamenn, voru á eyj­unni þegar eld­gosið varð.

Frétt af mbl.is

21 lát­inn eft­ir eld­gosið á Nýja-Sjálandi

„Ég vann í rann­sókn­um á Nýja Sjálandi og var meðal ann­ars að vinna í rann­sókn­um á Hvítu­eyju og þar gýs mjög oft. Við fór­um kannski tvisvar eða þris­var á ári að gera mæl­ing­ar og rann­sókn­ir. Núna á seinni tíð voru þeir með dag­leg­ar ferðir með ferðamönn­um á stað sem við vit­um að gýs einu sinni til tvisvar á ári.“

Hann hugsi oft til hörm­ung­anna á Hvítu­eyju þegar hann leiði hug­ann að Öskju.

„Ef þú ert með fólk á staðnum og ferð þarna á hverj­um ein­asta degi, þá eru lík­urn­ar á því að þú lend­ir í ein­hverj­um ógöng­um mjög háar. Og það gerðist.“