Eitt heit­asta trendið í hár­tísk­unni þessa dag­ana er svo­kölluð skandi­nav­ísk rót, hár­lit­un­ar­tækni sem skap­ar hið bjarta og lýsta út­lit Skandi­nava. Upp­runa nafns­ins má rekja til þess að marg­ir Norður­landa­bú­ar eru með nátt­úru­lega ljósa rót sem lýs­ist oft­ar en ekki í mik­illi sól. 

Tísku­bylgj­an hef­ur dreifst um sam­fé­lags­miðla eins og eld­ur í sinu og finna má ótal­mörg mynd­bönd af fólki í lit­un til að ná fram þessu skandi­nav­íska út­liti. Ein af þeim er áhrifa­vald­ur­inn og blogg­ar­inn Jó­hanna Helga, sem deildi á dög­un­um ferl­inu á bak við lit­un­araðferðina á In­sta­gram-reikn­ingi sín­um.

Til að ná skandi­nav­ísku rót­inni tek­ur hársnyrt­ir­inn lít­inn hluta hárs­ins rétt við rót­ina, svo­kölluð engla­hár, og í stað þess að nota álþynn­ur er aflit­un­in bor­in beint á hár­lokk­ana. Með þess­ari tækni kemst hársnyrt­ir­inn nær hár­lín­unni til að skapa björt áhrif, þar sem rót­in er aðeins ljós­ari en rest­in af hár­inu og gef­ur hár­inu sól­kysst út­lit, út­skýr­ir Andrew Fitzsimmons í viðtali við Real Simple. 

Fitzsimmons legg­ur áherslu á að fá fag­mann­eskju til að sjá um lit­un­ina þar sem aflit­un­in er mjög ná­lægt húðinni og get­ur það ert bæði húð og augu ef lit­ur­inn er meðhöndlaður vit­laust.

Skipt­ar skoðanir

Ekki eru þó all­ir hársnyrt­ar hrifn­ir af þessu nýja trendi. Kira Hell­sten, hársnyrt­ir hjá Bleach London sem er sjálf frá Skandi­nav­íu, tel­ur að tísku­bylgj­an feli í sér meiri áhættu en ágóða. Hell­sten seg­ir í viðtali við Even­ing Stand­ard að vanda­málið við tísku­bylgj­ur sem njóta vin­sælda líkt og þessi geta orðið til þess að vænt­ing­ar viðskipta­vina fari úr bönd­un­um. Rétt eins og all­ar aðrar tísku­bylgj­ur þá hent­ar þetta ekki öll­um og því eru mikl­ar lík­ur á því að ein­hverj­ir fari óánægðir frá hár­greiðslu­stof­unni.  

Hell­sten bend­ir þó einnig á að þar sem lit­ur­inn fari í raun­inni bara í litlu engla­hár­in fremst á höfðinu þá sé auðvelt að klúðra lit­un­inni, sér­stak­lega ef hár viðkom­andi er í dekkri kant­in­um. Even­ing Stand­ard hef­ur einnig eft­ir húðlækn­in­um Hayley Leem­an að vegna eit­ur­efn­anna sem finna megi í aflit­un­ar­efn­inu ert­ist húðin oft­ar en ekki og því mæl­ir hún ekki með því að ein­stak­ling­ar sem eru með viðkvæma húð prófi þess­ar lit­un­araðferð.

Loka­út­koma lit­un­araðferðar­inn­ar er þó engu að síður frísk­andi og fal­leg og er til­val­in fyr­ir sum­ar­tím­ann og haustið sem skell­ur brátt á.