Mygla greindist í grunnskólanum á Hólmavík í nóvember á síðasta ári. Færa þurfti kennslu í annað húsnæði víða um bæinn, meðal annars í flugstöðina á staðnum.

Staðan nú í haust er orðin miklu betri að sögn Þorgeirs. Enn er kennt á tveimur óhefðbundnum stöðum; miðstig skólans er í þróunarsetrinu svokallaða þar sem fundaraðstaða sveitarfélagsins hefur verið og elstu krakkarnir fá kennslu í félagsheimilinu.

Yngstu krakkarnir voru síðasta vetur á efri hæð Sparisjóðshússins en eru nú í færanlegri kennslustofu sem komið var fyrir á körfuboltavellinum við skólann.

Nán­ari um­fjöll­un er að finna í Morg­un­blaðinu í dag.

Horft yfir Hólmavíkurkauptún. mbl.is/Sigurður Bogi