Kaupmannahöfn er í miklu uppáhaldi hjá Íslendingum og kjósa margir Íslendingar að skreppa þangað í borgarferðir á haustin. Þegar ferðalangar og fagurkerar eru teknir tali kemur gamli höfuðstaðurinn oftar en ekki fyrst upp þegar spurt er hver uppáhaldsborgin er. 

Katrín Aagestad Gunn­ars­dótt­ir, markaðsstjóri Nova. 

„Kaup­manna­höfn á alltaf stað í hjarta mínu en ég bjó þar í fimm ár og kynnt­ist borg­inni ótrú­lega vel. Ég fékk líka mik­inn áhuga á borg­ar­skipu­lagi eft­ir að hafa upp­lifað hvað gott skipu­lag ger­ir fyr­ir mann sem íbúa,“ sagði Katrín í síðastliðið haust þegar hún var spurð út í uppáhaldsborgina sína. 

Frétt af mbl.is

„Kósíheit par exelans í fyrsta sæti á þessum tíma“

Katrín Aagestad Gunn­ars­dótt­ir. Ljósmynd/ Arnar Freyr Wade Tómasson

Elísa Viðarsdóttir, mat­væla- og nær­ing­ar­fræðing­ur og knattspyrnukona.

„Ég er al­gjör­lega ást­fang­in af Kaup­manna­höfn, hún hef­ur upp á allt mögu­legt að bjóða. Menn­ingu, mat og versl­un,“ sagði knattspyrnukonan og næringarfræðingurinn Elísa Viðars­dótt­ir þegar hún var spurð út í sína uppáhaldsborg. 

Frétt af mbl.is

„Ég er algjörlega ástfangin af Kaupmannahöfn“

Elísa Viðarsdóttir. mbl.is/Árni Sæberg

Rakel Ósk Guðbjarts­dótt­ir, snyrti­fræðing­ur og eig­andi snyrti­vöru­versl­un­ar­inn­ar El­iru­Beauty í Smáralind.

„Ætli ég verði ekki að segja Kaup­manna­höfn, ég bjó þar og átti al­veg ynd­is­lega tíma. Frá­bær mat­ar­menn­ing, fal­leg­ar bygg­ing­ar og viðmót Dan­ans gagn­vart líf­inu,“ sagði Rakel um borgina sína Kaupmannahöfn. 

Frétt af mbl.is

Ætlar að hafa það náðugt á pallinum

Rakel Ósk Guðbjartsdóttir. mbl.is/Eggert Jóhannesson

Svana Lovísa Kristjáns­dótt­ir, hönnuður og blogg­ari á Svart á hvítu. 

„Kaup­manna­höfn er mín allra mesta upp­á­halds­borg og ég fæ ekki nóg af henni, all­ar minn­ing­arn­ar, mann­lífið, lífs­stíll­inn, hönn­un­in og versl­an­irn­ar,“ sagði Svana þegar hún var spurð hver sín uppáhaldsborg væri. 

Frétt af mbl.is

„Hreinlega afrek að ég týni ekki sjálfri mér“

Svana Lovísa Kristjánsdóttir. Ljósmynd/Aldís Pálsdóttir