Leik- og söngvarinn Jared Leto varð á dögunum fyrstur manna til að klifra löglega upp eftir Empire State-byggingunni í New York. Ástæða klifursins var einföld, að kynna væntanlegt tónleikaferðalag hljómsveitarinnar 30 Seconds to Mars. Leto er forsprakki sveitarinnar.  

Frétt af mbl.is

Klifraði upp eftir veggnum á Hotel de Rome í inniskóm

Leto, sem er 51 árs, kleif hinn 102-hæða skýjakljúf, sem er staðsettur á gatnamótum Fifth Avenue og 34th Street, á fimmtudagsmorgun íklæddur skærappelsínugulum samfestingi og með viðeigandi öryggisbúnað.

Leikarinn klifraði allar hæðirnar eins og ekkert væri eðlilegra og heilsaði móður sinni á leiðinni upp, en hún sat við glugga á 80. hæð skýjakljúfursins og studdi uppátæki sonar síns.