Fréttamiðill­inn Daily Mail gróf á dög­un­um upp gamla færslu sem son­ur Ang­el­inu Jolie og Brad Pitts, Pax, skrifaði um Pitt þegar hann var sex­tán ára. Pax sem er nítj­án ára í dag fór hörðum orðum um Pitt á sam­fé­lags­miðlum og heim­ild­ir herma að Pitt sé miður sín vegna skrif­anna.

„Gleðileg­an feðradag til þessa heimsklassa skít­hæls! Þú hef­ur aft­ur og aft­ur sannað fyr­ir sjálf­um þér hversu hræðileg og fyr­ir­lit­leg mann­eskja þú ert. Þú tek­ur ekki til­lit til fjög­urra yngstu barna þinna sem lifa í stöðugum ótta í nær­veru þinni. Þú munt aldrei skilja skaðann sem þú hef­ur ollið fjöl­skyldu minni því þú ert ófær um það. Þú hef­ur gert líf þeirra sem standa mér næst að lif­andi hel­víti. Sann­leik­ur­inn mun einn dag­inn koma í ljós,“ skrifaði Pax í færslu á In­sta­gram árið 2020.

Heim­ild­ar­menn í innsta hring Pitts segja að þess­ar frétt­ir hafi borist hon­um til eyrna. 

„Brad ber mikla virðingu fyr­ir börn­um sín­um og það er leiðin­legt að sjá svona mál dreg­in fram í sviðsljósið. Það er ergi­legt þegar reynt er að gera ill­menni úr Brad Pitt því ekk­ert gæti verið fjær sann­leik­an­um. Hann kýs að tjá sig ekki um þetta mál,“ seg­ir heim­ild­armaður í viðtali á Perezhilt­on.com. 

Aðrir heim­ild­ar­menn segja að Jolie sé að nota börn­in gegn hon­um og hafi gert það í mörg ár.

„Fólkið í kring­um Brad er sann­fært um að hún hafi verið að leika svona leiki í mörg ár en þau vilja hins veg­ar ekki láta sog­ast inn í slíka hringiðu. Hún hafi verið að mata börn­in með lyg­um í fleiri ár og snúið börn­un­um gegn hon­um. Þetta er mjög erfitt fyr­ir Brad. Hann elsk­ar þau öll og þetta brýt­ur hjarta hans.“

Annað er að heyra úr her­búðum Jolie. Þar segja heim­ild­ar­menn að Pitt geti sjálf­um sér um kennt. Hún vilji halda áfram með líf sitt og lækna göm­ul sár fjöl­skyld­unn­ar en að Pitt vilji ekki sleppa sér.

Frétt af mbl.is

Brad Pitt sagður æfur út í Ang­el­inu Jolie

Brad Pitt, Pax Thien Jolie-Pitt, Shi­loh Nou­vel Jolie-Pitt og Maddox Jolie-Pitt, AFP