Mæður luma oft­ar en ekki á góðum og hag­nýt­um ráðum. Face­book-hóp­ur­inn Mæðra tips sem sam­an­stend­ur af mæðrum á öll­um aldri er því upp­full­ur af góðum ráðum.

Ný­verið deildi ein þeirra sniðugu ráði sem aðstoðar fjöl­skyld­ur við að koma skipu­lagi á leik­föng barna sinna og kenn­ir þeim einnig að gefa til þeirra sem minna mega sín. Ráðið er ein­falt og fal­legt góðverk sem gleður.

Það geng­ur þannig fyr­ir sig að börn­in á heim­il­inu fylla poka og eða kassa af leik­föng­um, það er hlut­um sem þau eru hætt að leika sér með. Það má að sjálf­sögðu setja fatnað og fleira nýti­legt með. Þegar pok­arn­ir/​kass­arn­ir eru full­ir þá flytja börn­in þá und­ir jóla­tréð. Þangað verða þeir sótt­ir af hjálp­leg­um jóla­svein­um sem fara og finna ný heim­ili fyr­ir leik­föng­in.

Þetta hjálp­ar for­eldr­um að minnka óreiðuna á já­kvæðan máta, kenn­ir börn­um um mik­il­vægi þess að gefa og kynd­ir und­ir jóla­stemn­ing­unni.