Kanye West hef­ur strengt óvenju­legt ára­móta­heit þetta árið sem snýr að eig­in­konu hans Biöncu Censori. Hann seg­ir að hún muni klæðast enn færri föt­um í ár en fólk eigi al­mennt að venj­ast.

Eft­ir að West og Censori tóku sam­an þá hef­ur Censori vakið mikla at­hygli fyr­ir djarf­an klæðaburð og jafn­vel kom­ist í kast við lög­in vegna fata­vals.  

„Eng­ar bux­ur þetta árið,“ skrifaði West í færslu á In­sta­gram. Við færsl­una birti hann mynd af Censori fá­klæddri. 

Skipt­ar skoðanir eru meðal aðdá­enda West um sam­band hans við Censori.

„Ertu bú­inn að niður­lægja hana nóg eða hvað?,“ spyr einn við færsl­una.

Sér­fræðing­ar í lík­ams­tján­ingu telja að West sé að sýna vald sitt með því að deila mynd­um af kon­unni sinni á sam­fé­lags­miðlum.

„Þegar West var að leiða konu sína um göt­ur Flórens og hún klædd í húðlituðum, gagn­sæj­um sam­fest­ingi með púða fyr­ir bring­una. Þá vonuðum við að þetta væri ein­hver einka­húm­or á milli pars­ins. En þess­ar nýj­ustu mynd­ir benda til þess að það sem geng­ur á heima fyr­ir sé eitt­hvað enn al­var­legra en það sem við fáum að sjá á götu úti,“ seg­ir Judi James í viðtali við The Mirr­or.

„Hann gæti verið að sýna okk­ur eig­in­kon­una óham­ingju­sama á að líta, íklædd til­vilj­un­ar­kennd­um bönd­um og efn­is­bút­um en það er hans eig­in lík­ams­staða sem skap­ar mestu áhrif­in. Hann kem­ur alltaf fram í „pass­í­vu“ hlut­verki áhorf­and­ans. Hann vom­ir þarna sem ein­hver í dyra­gætt­inni, full­klædd­ur og sýn­ir eng­in svip­brigði, hvorki ástúð né aðdáun,“ seg­ir James.

Mynd­ir West af eig­in­kon­unni vekja óhug. Skjá­skot/​In­sta­gram

Frétt af mbl.is

Klæðaburður eig­in­konu Kanye lög­reglu­mál á Ítal­íu

Parið vakti mikla at­hygli á Ítal­íu í sum­ar þar sem Censori var í efn­is­litl­um föt­um.