Skjálfti að stærð 2,7 mæld­ist við Bárðarbungu í Vatna­jökli klukk­an hálfell­efu.

Sam­kvæmt óyf­ir­förn­um mæl­ing­um Veður­stofu Íslands voru upp­tök skjálft­ans á 0,1 kíló­metra dýpi um 7,7 kíló­metr­um aust­ur af Bárðarbungu.

Frétt af mbl.is

Gæti gosið á næstu klukku­stund­um eða sól­ar­hring­um

Stöðugt streymi

Jök­ul­hlaup hófst úr Grím­svötn­um á fimmtu­dag og náði há­marki í gær. Streymið í Gígju­kvísl, þar sem hlaup­vatnið renn­ur, hef­ur hald­ist nokkuð stöðugt síðustu klukku­stund­irn­ar.

Þá hef­ur raf­leiðni, sem seg­ir til um styrk upp­leystra raf­hlaðinna efna og efna­sam­banda í vatn­inu, auk­ist jafnt og þétt und­an­far­inn sól­ar­hring.

Bene­dikt Gunn­ar Ófeigs­son, fag­stjóri af­lög­un­ar­mæl­inga á Veður­stofu Íslands, sagði í viðtali við mbl.is fyr­ir helgi að þrýst­ings­breyt­ing í kjöl­far jök­ul­hlaups­ins gæti komið af stað eld­gosi í Grím­svötn­um. Væri þá lík­leg­ast að gos myndi hefjast þegar vötn­in væru að tæm­ast.