Grímsvötn | 15. janúar 2024
Hlaupið enn við hámark
Jökulhlaupið úr Grímsvötnum virðist enn vera nálægt því hámarki sem það mældist í aðfaranótt sunnudags. Ekkert er þó að frétta af mögulegu eldgosi þar í kjölfar hlaups og eiginlega engin jarðskjálftavirkni mælist þar nú. Þetta segir Böðvar Sveinsson, náttúruvársérfræðingur á Veðurstofu Íslands.
Hlaupið enn við hámark
Grímsvötn | 15. janúar 2024
Setja bókamerki
Jökulhlaupið úr Grímsvötnum virðist enn vera nálægt því hámarki sem það mældist í aðfaranótt sunnudags. Ekkert er þó að frétta af mögulegu eldgosi þar í kjölfar hlaups og eiginlega engin jarðskjálftavirkni mælist þar nú. Þetta segir Böðvar Sveinsson, náttúruvársérfræðingur á Veðurstofu Íslands.
Jökulhlaupið úr Grímsvötnum virðist enn vera nálægt því hámarki sem það mældist í aðfaranótt sunnudags. Ekkert er þó að frétta af mögulegu eldgosi þar í kjölfar hlaups og eiginlega engin jarðskjálftavirkni mælist þar nú. Þetta segir Böðvar Sveinsson, náttúruvársérfræðingur á Veðurstofu Íslands.
Ekki er enn hægt að útiloka að gos komi þar upp, líkt og hefur stundum gerst í kjölfar hlaups. Það gerist þó ekki alltaf og árið 2021 varð til dæmis hlaup án þess að eldgos hafi brotist fram.
Jökulhlaupið í Grímsvötnum hófst á fimmtudag og var það talið munu ná hámarki um helgina. Ríkislögreglustjóri lýsti yfir óvissustigi almannavarna á fimmtudag vegna hlaupsins.
„Síðast þegar það varð svona atburðarrás, það er að segja jökulhlaup og gos í kjölfarið, var árið 2004 og þar áður árið 1934 og 1922. Það hafa samt alveg brotist út gos á milli þess,“ sagði Bryndís Ýr Gísladóttir, náttúruvársérfræðingur á Veðurstofu Íslands, í samtali við mbl.is í gær.
Þorvaldur Þórðarson, prófessor í eldfjallafræði við Háskóla Íslands, sagði í samtali við mbl.is í síðustu viku að komi til goss yrði það lítið og stæði yfir í örfáa daga.
/frimg/1/37/0/1370088.jpg)
