Ísrael/Palestína | 5. febrúar 2024
Árásirnar í Írak og Sýrlandi bara „upphafið“
Bandaríkjamenn ætla að grípa til „frekari aðgerða“ eftir víðtækar loftárásir Bandaríkjahers í Írak og Sýrlandi, sem koma í kjölfar þess að þrír bandarískir hermenn létust í drónaárás í Jórdaníu.
Árásirnar í Írak og Sýrlandi bara „upphafið“
Ísrael/Palestína | 5. febrúar 2024
Setja bókamerki
Bandaríkjamenn ætla að grípa til „frekari aðgerða“ eftir víðtækar loftárásir Bandaríkjahers í Írak og Sýrlandi, sem koma í kjölfar þess að þrír bandarískir hermenn létust í drónaárás í Jórdaníu.
Bandaríkjamenn ætla að grípa til „frekari aðgerða“ eftir víðtækar loftárásir Bandaríkjahers í Írak og Sýrlandi, sem koma í kjölfar þess að þrír bandarískir hermenn létust í drónaárás í Jórdaníu.
„Ég myndi bara segja að forsetinn [Joe Biden Bandaríkjaforseti] hafi verið skýr þegar hann gaf skipanirnar og útfærði þær að það væri upphafið að viðbrögðum okkar, og að það yrðu fleiri skref,“ sagði Jake Sullivan, þjóðaröryggisráðgjafi Bandaríkjaforseta, við CNN í þættinum State of the Union.
Spurður af þáttastjórnanda hvort það þýddi að Bandaríkjamenn væru að skipuleggja frekari árásir svaraði Sullivan: „Það sem það þýðir er að við munum grípa til frekari aðgerða.“
Óbreyttir borgarar drepnir, segir Írak
„Ég ætla augljóslega ekki að lýsa eðli þeirra aðgerða því ég vil ekki senda hnefahöggin okkar með símskeyti,“ sagði Sullivan enn fremur.
Ummæli Sullivans koma í kjölfar viðbragða Bandaríkjahers við drónaárásinni í Jórdaníu, sem varð þremur Bandaríkjamönnum að bana og særði yfir 40 manns í síðustu viku.
Hefur spenna í kjölfarið aukist til muna milli Bandaríkjamanna og vígahópa sem njóta stuðnings Írana í Mið-Austurlöndum og hafa ráðist á bandarískar herstöðvar víðs vegar um svæðið í mótmælaskyni við stríðið á Gasa.
Fjögur skotmörk sem Bandaríkin hæfðu eru í Sýrlandi og þrjú í Írak. Alls var skotið á 85 skotmörk og notaði herinn í það minnsta 125 sprengjur. Að minnsta kosti 23 vígamenn í Sýrlandi féllu, að sögn sýrlensku mannréttindavaktarinnar.
/frimg/1/56/96/1569605.jpg)
