Ei­rík­ur Rögn­valds­son, pró­fess­or emer­it­us í ís­lenskri mál­fræði, seg­ir ljóst að annað búi að baki fyr­ir­huguðu frum­varpi til breyt­inga á lög­um um leigu­bif­reiðaakst­ur, þar sem próf í ís­lensku verður gert að skil­yrði fyr­ir því að menn geti aflað sér rétt­inda til akst­urs leigu­bíla, held­ur en sér­stak­ur áhugi og vel­ferð á ís­lensku. 

Þetta seg­ir Ei­rík­ur í sam­tali við mbl.is í kjöl­far pist­ils sem hann birti í face­book-hóp mál­spjalls­ins í morg­un und­ir yf­ir­skrift­inni „Stöðvum áform um mis­notk­un Íslensk­unn­ar.“ 

Í pistl­in­um reif­ar Ei­rík­ur forsíðufrétt Morg­un­blaðsins sem sett var fram með fyr­ir­sögn­inni „Íslenska verði skil­yrði leigu­bíla­leyf­is,“ en þar er van­kunn­átta er­lendra leigu­bíl­stjóra á ís­lenskri tungu sögð vera ástæða ófremd­ar­ástands í mála­flokkn­um. 

Frétt af mbl.is

Íslenska verði skil­yrði leigu­bíla­leyf­is

Hvernig á ís­lenska að auka rat­vísi

Ei­rík­ur kveðst ávallt hafa talað fyr­ir því að hér á landi eigi að vera hægt að nota ís­lensku alltaf og alls staðar. Þrátt fyr­ir það seg­ir hann mál­efna­leg sam­skipti leigu­bíl­stjóra við farþega ekki endi­lega þurfa að vera ýkja mik­il og að finna megi störf þar sem meiri þörf er á slík­um sam­skipt­um. 

„Þessi til­laga geng­ur ekki út á að gera kröf­ur um ís­lensku kunn­áttu þess fólks held­ur eru leigu­bíl­stjór­arn­ir tekn­ir þarna út úr,“ seg­ir Ei­rík­ur og reif­ar frétt­ina. 

„Sagt er að það sé gert vegna ófremd­ar­ástands, svo þegar maður les frétt­ina og velt­ir fyr­ir sér í hverju þetta ófremd­ar­ástand er fólgið þá er talað um að leigu­bíl­stjór­ar af er­lend­um upp­runa rati ekki og setji upp óhóf­lega hátt gjald. Þá spyr maður hvernig auk­in ís­lenska á að bæta úr þessu. Hvernig á hún að auka rat­vísi þeirra eða draga úr fékunn­áttu þeirra? Þetta bara geng­ur ekk­ert upp,“ seg­ir Ei­rík­ur ósátt­ur við að ís­lensk­an sé notuð sem vopn í út­lend­inga­andúð sem mis­kunn­ar­laust hef­ur verið alið á und­an­farna daga og vik­ur. 

Ráðið til starfa að und­an­skil­inni kröfu um ís­lenskukunn­áttu

„Ég hef alltaf talað fyr­ir því að það sé gíf­ur­lega mik­il­vægt að fólk sem kem­ur hingað til að vinna um ein­hvern tíma, og búa, að það læri ís­lensku,“ seg­ir Ei­rík­ur og bæt­ir við að rann­sókn­ir sýni að inn­flytj­end­ur vilji læra tungu­málið. 

Til þess að inn­flytj­end­ur geti lært ís­lensku seg­ir Ei­rík­ur nauðsyn­legt að auka tæki­færi þeirra til þess. Hér vanti fleiri nám­skeið auk þess sem hann seg­ir ákjós­an­legt að inn­flytj­end­um sé gef­inn kost­ur á að læra ís­lensku á vinnu­tíma, sér­stak­lega í þeim störf­um þar sem mál­efna­leg­ar ástæður eru til þess að krefjast ís­lenskukunn­áttu. 

„Við þurf­um bara að standa okk­ur miklu bet­ur í að gera fólki kleift að læra ís­lensku,“ seg­ir hann og bæt­ir við: 

„Það sem hef­ur verið áber­andi hér und­an­farið er að út­lend­ing­ar lenda í því að þeir eru hundskammaðir fyr­ir að tala ekki ís­lensku, en þetta er fólk sem hef­ur verið ráðið til starfa án þess að það hafi verið gerðar kröf­ur um ís­lenskukunn­áttu við ráðningu. Þannig að þetta er á ábyrgð at­vinnu­rek­enda.“

Íslensk­an notuð til að kljúfa þjóðina

Svo er nú eig­in­lega líka gerð krafa um að er­lent vinnu­afl læri ekki ís­lensku því við þurf­um svo mikið á vinnu­afli að halda. 

„Það er nefni­lega það. Þetta er svo mik­il mót­sögn í þessu. Við segj­um að við þurf­um vinnu­afl og for­svars­menn at­vinnu­lífs­ins hafa spáð því að inn­an skamms verði fólk af er­lend­um upp­runa allt að helm­ing­ur fólks á vinnu­markaði, en ég held að það detti eng­um það í hug af al­vöru að stoppa það að fólk komi hingað til að vinna. Enda myndi þjóðfé­lagið hrynja við það,“ seg­ir Ei­rík­ur og bæt­ir við:

„Við stefn­um óðfluga að því að búa til tvær þjóðir í land­inu með þessu. Ég hef beðið með ang­ist eft­ir þessu und­an­farið, að það kæmi að því að ís­lensk­an yrði notuð op­in­ber­lega á þenn­an hátt til þess að kljúfa þjóðina. Það er að minnsta kosti ekki ís­lensk­unni til fram­drátt­ar, svo mikið er víst.“