Susan Noles, konan sem gaf saman Gerry Turner og Theresu Nist, parið sem fann ástina í raunveruleikaseríunni The Golden Bachelor, segir skilnað þeirra hafa eyðilagt persónulegt sem og ánægjulegt met.

Hjónin eru þau fyrstu til að skilja af þeim fjölmörgu brúðhjónum sem Noles hefur gefið saman í gegnum árin.

Hjónaband raunveruleikastjarnanna entist ekki lengi, en Turner og Nist greindu frá skilnaði sínum á dögunum eftir aðeins þriggja mánaða hjónaband. 

Frétt af mbl.is

Neistinn slokknaður eftir þriggja mánaða hjónaband

Fjölbreyttur hópur kvenna yfir fimmtugu keppti um ástir hins 71 árs gamla Turner í nýjustu útgáfu raunveruleikaseríunnar. Noles var á meðal þeirra en hún kvaddi keppnina í fimmta þætti seríunnar. 

„Þeim tókst að eyðileggja metið. Þau eru þau fyrstu til að skilja,“ sagði Noles í gríni við Us Weekly. „Það var virkilega leiðinlegt að heyra um skilnað þeirra en hvorugt var tilbúið að yfirgefa heimili sitt og fjölskyldur,“ útskýrði hún. 

Frétt af mbl.is

Hélt að hjónabandið myndi vara að eilífu en ekki 3 mánuði

Noles, sem er í góðu sambandi við raunveruleikastjörnurnar, sagði að þau væru á góðum stað og sátt með ákvörðun sína um að skilja. „Ekkert illt er á milli Turner og Nist.“