Gögn um vin­sæl­ustu fyrstu og önn­ur eig­in­nöfn ný­fæddra barna á Íslandi árið 2023 hafa verið birt hjá Þjóðskrá, en þar kem­ur fram að vin­sæl­asta fyrsta eig­in­nafn meðal ný­fæddra drengja hafi verið nafnið Birn­ir.

Alls var 30 drengj­um gefið nafnið Birn­ir sem fyrsta eig­in­nafn, en næst­vin­sæl­ustu nöfn­in voru Emil, Elm­ar og Jón. Þá var nafnið Em­il­ía vin­sæl­ast sem fyrsta eig­in­nafn meðal ný­fæddra stúlka, en 23 stúlk­um var gefið nafnið. Þar á eft­ir voru nöfn­in Sara, Sól­ey, Embla og Aþena. 

Þó nokkr­ar breyt­ing­ar hafa orðið á vin­sæl­ustu nöfn­un­um milli ára, en árið 2022 var nafnið Birn­ir í fimmta sæti og tek­ur nú fyrsta sætið af nafn­inu Emil. Þá hef­ur nafnið Elm­ar tekið stórt stökk úr 27. sæti í það þriðja, og nafnið Jón hækkaði einnig. 

Hjá stúlk­un­um hef­ur nafnið Em­il­ía tekið stökk úr 21. sæti í það fyrsta, en nöfn­in Sara og Sól­ey hafa einnig hækkað veru­lega á vin­sældal­ist­an­um frá því árið 2022. Það nafn sem tók stærsta stökkið á topp 10-list­an­um er þó nafnið Una sem fór úr 58. sæti í ní­unda sæti. 

Vin­sæl­ustu fyrstu eig­in­nöfn ný­fæddra drengja 2023

1. Birn­ir
2. Emil
3. Elm­ar
4. Jón
5. Óli­ver
6. Aron
7. Vikt­or
8. Jök­ull
9. Al­ex­and­er 
10. Atlas

Vin­sæl­ustu fyrstu eig­in­nöfn ný­fæddra stúlkna 2023

1. Em­il­ía
2. Sara
3. Sól­ey
4. Embla
5. Aþena
6. Emma 
7. Katla
8. Lilja
9. Una 
10. Vikt­oría

74,3% var gefið annað eig­in­nafn

Alls voru 3.159 ein­stak­ling­ar fædd­ir árið 2023 sem gefið var annað eig­in­nafn, eða um 74,3% af heild­inni. Meðal drengja var nafnið Þór vin­sæl­ast sem annað eig­in­nafn rétt eins og árið 2022, en þar á eft­ir komu nöfn­in Máni og Leó. 

Meðal stúlkna var nafnið María vin­sæl­ast sem annað eig­in­nafn, en nafnið fór úr tí­unda yfir í fyrsta sæti. Næst­vin­sæl­asta nafnið var Sól og þar á eft­ir nafnið Líf. 

Vin­sæl­ustu önn­ur eig­in­nöfn ný­fæddra drengja 2023

1. Þór
2. Leó
3. Máni
4. Hrafn
5. Örn 
6. Ingi
7. Logi
8. Freyr
9. Elí
10. Orri

Vin­sæl­ustu önn­ur eig­in­nöfn ný­fæddra stúlkna 2023

1. María
2. Sól
3. Líf
4. Rós
5. Ósk
6. Lilja
7. Björk
8. Rún
9. Sól­ey
10. Anna