Tón­list­ar­kon­an Lauf­ey Lín Jóns­dótt­ir hef­ur heillað heims­byggðina með fögru söngrödd sinni og heill­andi per­sónu­leika, en henni er margt til list­anna lagt og ný­verið stofnaði hún bóka­klúbb­inn The Lauf­ey Book Club. 

Frétt af mbl.is

Lauf­ey er með hjarta úr gulli

Bóka­klúbb­inn stofnaði hún í von um að hvetja aðdá­end­ur sína til lest­urs, en á dög­un­um deildi hún sín­um þrem­ur upp­á­halds­bók­um í viðtali við CBC með yf­ir­skrift­inni: „Lauf­ey's Life in Books“ eða „Líf Lauf­eyj­ar í bók­um.“

Lestr­ar­ást­in kviknaði snemma

„Hæ, ég heiti Lauf­ey og þetta er líf mitt í bók­um. Bæk­urn­ar þrjár sem ég kom með – Anne of Green Gables bara vegna þess að ég held að ást mín á lestri hafi kviknað þegar ég var krakki og ég las þessa bók þegar ég var lít­il og elskaði hana svo mikið. Lest­ur er eitt­hvað sem vek­ur aft­ur, ég býst við fyr­ir mig vegna þess að við átt­um ekki iPad eða ég hafði ekki aðgang að tölvu, það minn­ir mig bara á barns­lega undr­un og þess vegna elska ég líka skáld­skap,“ seg­ir Lauf­ey í viðtal­inu. 

Anne of Green Gables, eða Anna í Grænu­hlíð á ís­lensku, er skáld­saga eft­ir Lucy Maud sem kom fyrst út árið 1908. Ljós­mynd/​Walmart.com

„Sum af upp­á­halds­lög­un­um mín­um sem eru inn­blás­in af bók­um, eða ég held að séu inn­blás­in af bók­um, eins og Tolera­te It með Tayl­or Swift finnst mér mjög líkt Re­becca eft­ir Dap­hne Du Maurier. Hún er í topp tveim­ur, lík­lega ein af mín­um upp­á­halds­bók­um sem ég hef lesið,“ bæt­ir hún við. 

Næsta bók sem Lauf­ey nefn­ir er Re­becca eft­ir Daðhne Du Maurier sem kom fyrst út árið 1938. Ljós­mynd/​Kirkju­sreviews.com

„Og svo er það Midnig­ht Li­brary sem ég er ekki búin að klára en ég er að lesa hana núna því hún var val­in bók mánaðar­ins fyr­ir apr­íl­mánuð í The Lauf­ey Book Club,“ sagði hún að lok­um.

Að lok­um nefn­ir Lauf­ey bók­ina The Midnig­ht Li­brary eft­ir Matt Haig sem kom út árið 2020. Ljós­mynd/​Goodreads.com