Á ferðalagi | 13. júní 2024
Hvar er besta veðrið fyrir tjaldútilegu um helgina?
Veðurguðirnir hafa gefið landsmönnum allan pakkann síðustu vikur – sól, snjó og rigningu. Þeir sem ætla að skella sér í útilegu og vilja frekar elta sólina en snjóinn um helgina ættu að stefna á Suðurland, en samkvæmt tjaldvef Bliku verður besta veðrið þar.
Hvar er besta veðrið fyrir tjaldútilegu um helgina?
Á ferðalagi | 13. júní 2024
Setja bókamerki
Veðurguðirnir hafa gefið landsmönnum allan pakkann síðustu vikur – sól, snjó og rigningu. Þeir sem ætla að skella sér í útilegu og vilja frekar elta sólina en snjóinn um helgina ættu að stefna á Suðurland, en samkvæmt tjaldvef Bliku verður besta veðrið þar.
Veðurguðirnir hafa gefið landsmönnum allan pakkann síðustu vikur – sól, snjó og rigningu. Þeir sem ætla að skella sér í útilegu og vilja frekar elta sólina en snjóinn um helgina ættu að stefna á Suðurland, en samkvæmt tjaldvef Bliku verður besta veðrið þar.
Skjól
Besta veðrinu er spáð á tjaldsvæðinu Skjól sem er staðsett mitt á milli Gullfoss og Geysis. Á föstudaginn er búist við að það verði alskýjað, 14°C og Suð-vestan 1 m/s. Á laugardaginn á hins vegar að vera heiðskírt og búist við að hitinn fari upp í 17°C og það verði Vestan 2 m/s. Á sunnudaginn er búist við að það verði skýjað, 16°C og Norð-vestan 6 m/s.
Á tjaldsvæðinu er aðgengi að köldu og heitu vatni, rafmagni, þráðlausu neti og sturtu gegn gjaldi. Þá eru hundar leyfðir á svæðinu.
Skaftafell
Í Skaftafelli er von á að það verði askýjað alla helgina, en þar er þó búist við stilltu veðri og fínu hitastigi. Á föstudaginn er spáð 13 °C og Vestan 1 m/s, á laugardaginn er búist við að hitinn fari upp í 16°C og það verði Suð-vestan 1 m/s. Á sunnudaginn er búist við 10°C og Sunnan 1 m/s.
Tjaldsvæðið í Skaftafelli er opið allan ársins hring, en þar er aðgengi að köldu og heitu vatni, rafmagni, gjaldrjálsri sturtu og þvottavél. Þá eru hundar leyfðir á svæðinu.
Flúðir
Á Flúðum er búist við að sólin láti sjá sig og reiknað með fínu veðri um helgina. Á föstudaginn er búist við að það verði alskýjað, 13°C og Suð-vestan 2 m/s. Á laugardaginn er von á að sólin láti sjá sig, en þá er búist við að það verði léttskýjað, 17°C og Suð-vestan 3 m/s. Á sunnudaginn er svo reiknað með því að það verði skýjað, 16°C og Norð-vestan 5 m/s.
Tjaldsvæðið er staðsett við bakka Litlu Laxár á Flúðum. Þar er aðgengi að köldu og heitu vatni, rafmagni, gjaldfrjálsri sturtu og þvottavél. Þá eru hundar leyfðir á svæðinu.
Skógafoss
Um helgina er einnig spáð fínu veðri á tjaldsvæðinu við Skógafoss undir Eyjafjöllum. Á föstudaginn er reiknað með að það verði skýjað, 12°C og Sunnan 5 m/s. Á laugardaginn er hins vegar von á heiðskíru veðri, 12°C og Suð-vestan 2 m/s. Á sunnudaginn er búist við því að það verði skýjað, en þá á hitinn að fara upp í 18°C og reiknað með Norð-vestan 5 m/s.
Á tjaldsvæðinu er aðgengi að köldu og heitu vatni, rafmagni og gjaldskyldri sturtu. Þá eru hundar leyfðir á svæðinu.
Hellishólar
Á Hellishólum í Fljótshlíð er einnig spáð mildu og góðu veðri um helgina. Á föstudaginn er búist við að það verði skýjað, 13°C og Vestan 3 m/s. Á laugardaginn er hins vegar reiknað með að það verði léttskýjað, 16°C og Suð-vestan 4 m/s. Á sunnudaginn er svo spáð að það verði skýjað, en þá á hitinn að fara upp í 17°C og búist við Norð-vestan 6 m/s.
Á tjaldsvæðinu er aðgengi að köldu og heitu vatni, rafmagni, gjaldfrjálsi sturtu, þvottavél og þráðlausu neti. Þá eru hundar leyfðir á svæðinu.
/frimg/1/55/49/1554964.jpg)
/frimg/1/55/22/1552298.jpg)
/frimg/1/55/8/1550831.jpg)
/frimg/1/55/6/1550623.jpg)
/frimg/1/54/70/1547031.jpg)
/frimg/1/54/68/1546805.jpg)
/frimg/1/50/59/1505946.jpg)
/frimg/1/49/45/1494566.jpg)
