Breski tónlistarmaðurinn Matty Healy, aðalsöngvari hljómsveitarinnar The 1975, og bandaríska fyrirsætan Gabbriette Bechtel, eru sögð vera trúlofuð eftir að Bechtel birti mynd af sér með 1,7 milljóna króna demantshring á baugfingri á dögunum.

Á myndinni skartaði fyrirsætan hring með stórum svörtum demanti á baugfingri, en myndina birti hún á Instagram og merkti söngvarann: „Að giftast The 1975 er mjög óþroskað.“

Fyrirsætan birti mynd af hringnum á Instagram-reikningi sínum. Skjáskot/Instagram

Healy og Bechtel eru sögð hafa átt í vægast sagt stormasömu sambandi en þau hafa verið saman frá því í september á síðasta ári. Healy virðist þó vera hæstánægður með að ástarjátning fyrirsætunnar sé komin í sviðsljósið þar sem hann deildi myndinni af demantshringnum á sínum eigin samfélagsmiðlum. 

Healy virðist þó ekki vera sá eini sem var ánægður með hringinn, en fyrisætan birti í kjölfarið heila myndaseríu af sér með svarta demantshringinn á Instagram. 

Er fyrrverandi kærasti Taylor Swift

Healy var áður í ástarsambandi með stórstjörnunni Taylor Swift en þau hættu saman aðeins tveimur mánuðum áður en Healy byrjaði að slá sér upp með Bechtel.

Frétt af mbl.is

Kærasti Swift kyssti öryggisvörð í Danmörku

Parið hefur sést mikið saman í sviðsljósinu undanfarið, meðal annars á Fashion Week- tískuhátíðinni og á tónleikum Healy.

Tónlistarmaðurinn hefur verið að gera það gott með laginu Somebody Else sem kom út árið 2016. Á meðan hefur Bechtel verið að vinna með tískurisum á borð við Diesel, Bottega Veneta og Marc Jacobs. 

Mail One