Neistinn á milli mótleikaranna Luke Newton og Nicola Coughlan í hinum vinsælu Netflix-þáttum Bridgerton hafa verið á allra vörum að undanförnu, en þriðja þáttaröðin kom nýverið út þar sem þau fara með aðalhlutverk

Svo virðist sem neistinn á milli leikarana eigi sér þó aðeins stað á sjónvarpskjánum þar sem Newton er sagður vera kominn með kærustu. Sú heppna heitir Anotnia Roumelioti og er frá Grikklandi, en hún er dansari og útskrifaðist frá Wilkes Academy of Performing Arts í Englandi árið 2022. 

Hafa haldið sambandinu leyndu í hálft ár

Newton og Roumelioti eru sögð hafa byrjað að stinga saman nefjum um leið og tökum á Bridgerton lauk í janúar síðastliðnum, en þau héldu sambandinu þó fjarri sviðsljósinu þar til núna.

Fram kemur á vef Page Six að parið hafi verið myndað í frumsýningarpartí Netflix þar sem þau voru hönd í hönd sem staðfesti samband þeirra. 

Luke Newton og Nicola Coughlan hafa heillað áhorfendur upp úr skónum í þriðju þáttaröð Bridgerton. ROBERT OKINE