Daní­el O. Ein­ars­son, formaður Frama – fé­lags leigu­bíl­stjóra, seg­ir þann fjölda kæra sem tug­ir leigu­bíl­stjóra eiga yfir höfði sér eft­ir eft­ir­lit lög­regl­unn­ar, ekki háan. Leyfi til leigu­bíla­akst­urs séu yfir 900 tals­ins og aðeins 105 hafi verið skoðaðir í eft­ir­lit­inu í þetta sinn.

Í eft­ir­lits­hrinu lög­regl­unn­ar á höfuðborg­ar­svæðinu með leigu­bif­reiðum um helg­ina kom í ljós að fjöldi stóðst ekki kröf­ur um leyfi og eiga nú 48 leigu­bíl­stjór­ar yfir höfði sér kæru.

Frétt af mbl.is

48 leigu­bíl­stjór­ar kærðir

„Þetta eru mjög fáir, þeir segj­ast bara hafa skoðað 105,“ seg­ir Daní­el í sam­tali við mbl.is.  

Já, þetta eru 48 af 105 samt?

„Já, en ég get sagt ykk­ur að í Nor­egi fyr­ir mánuði síðan þá skoðaði lög­regl­an í Osló 368 bíla og þá voru aðeins 38 bíl­ar með hlut­ina í lagi. Af 368 bíl­um voru aðeins 38 bíl­ar með hlut­ina í lagi en 275 höfðu fengið eina eða fleiri áminn­ing­ar til lag­fær­ing­ar, 50 bíl­ar voru sett­ir í bann og fimm bíl­ar voru kyrr­sett­ir,“ svar­ar Daní­el.

Yfir 900 leyfi gef­in út

Spurður hvort hon­um þyki þetta ekki hátt hlut­fall miðað við stærð markaðar­ins hér á landi svar­ar hann því neit­andi.

„Nei af því það er búið að gera þetta frjálst og það er kom­inn svo mik­ill fjöldi bíla. Menn þekkja ekki um­hverfið og þekkja ekki regl­urn­ar, þeir eru bún­ir að fara í gegn­um nám­skeið og taka prófið en það hef­ur ekk­ert raun­færni­mat farið fram og þeir hafa ekk­ert starfs­nám að baki. Þeim kannski bara finnst allt í lagi að taka prófið og gleyma síðan því sem prófið sner­ist um. Fara svo að vinna og fara ekki að regl­um. Þetta eru mjög fáir bíl­ar, 105 bíl­ar eru mjög fáir af því leyf­in eru orðin svo mörg. Leyf­in eru kom­in yfir 900, sem eru í um­ferð, plús leyf­in sem eru hætt í um­ferð en geta verið að störf­um þó þau hafi verið lögð inn. Það er þetta sem vant­ar, það er ekk­ert ut­an­um­hald,“ seg­ir Daní­el. 

„Eft­ir­litið er lyk­ill­inn að ör­ygg­inu“

Þá vanti yf­ir­lit yfir það hvar á land­inu leyf­in séu nýtt eft­ir að svæðatak­mörk­un var af­num­in. Eft­ir­lit skorti á lands­byggðinni en hann fagn­ar þó eft­ir­liti lög­reglu á höfuðborg­ar­svæðinu.

„Við fögn­um eft­ir­liti og þökk­um lög­regl­unni fyr­ir það að sinna þessu eft­ir­liti, því það er nauðsyn­legt. Það er það aðhald sem við höf­um kallað eft­ir. Það hef­ur ekki verið í mörg ár og er ástæðan fyr­ir því að svört starf­semi hef­ur grafið þannig und­an stétt­inni, að það vantaði leigu­bíla og þá kvartaði fólk yfir því að það vantaði leigu­bíla, en það var ekki hlustað á okk­ur sem vor­um búin að óska eft­ir eft­ir­liti í mörg ár. Það þarf að vera til staðar eft­ir­lit því um það snýst ör­yggi al­menn­ings í um­hverfi leigu­bif­reiða. Þess vegna höf­um við oft og lengi til haft eft­ir­lit með okk­ur sjálf­um og það var bundið í lög um leigu­bíla að starf­semi leigu­bíla­stöðva skyldi vera skipu­lögð með samþykki og sam­ráði við fé­lag leigu­bif­reiðastjóra, það er tekið úr lög­un­um og þar með er okk­ar eft­ir­lit eig­in­lega dottið úr sam­hengi,“ seg­ir Daní­el.

Að lok­um hvet­ur hann lög­regl­una til þess að halda eft­ir­lit­inu áfram og jafn­framt hafa frek­ara eft­ir­lit með ómerkt­um bif­reiðum sem sinni fólks­flutn­ing­um gegn gjaldi. Hann legg­ur til að leigu­bif­reiðir und­ir eft­ir­liti verði sett á litaðar núm­era­plöt­ur til þess að tryggja ör­yggi fyr­ir farþega.

„Eft­ir­litið er lyk­ill­inn að ör­ygg­inu,“ seg­ir Daní­el.