Ástin og veðrið dró Sigfinn til Egilsstaða

Ferðumst innanlands | 13. júlí 2024

Ástin og veðrið dró Sigfinn til Egilsstaða

Sigfinnur Björnsson, verkefnastjóri hjá Austurbrú, segir það hafa verið auðvelda ákvörðun að flytja frá Reykjavík til Egilsstaða fyrir nokkrum árum. Fyrir utan þá staðreynd að ástin dró hann austur sá hann fram á betra veður, en Austurland er þekkt fyrir háar hitatölur á sumrin.

Ástin og veðrið dró Sigfinn til Egilsstaða

Ferðumst innanlands | 13. júlí 2024

Sigfinnur Björnsson býr á Egilsstöðum ásamt kærustu sinni, Guðlaugu Margréti …
Sigfinnur Björnsson býr á Egilsstöðum ásamt kærustu sinni, Guðlaugu Margréti Jóhannsdóttur, og dætrunum Sóleyju Birtu og Máneyju Móu. Ljósmynd/Aðsend

Sig­finn­ur Björns­son, verk­efna­stjóri hjá Aust­ur­brú, seg­ir það hafa verið auðvelda ákvörðun að flytja frá Reykja­vík til Eg­ilsstaða fyr­ir nokkr­um árum. Fyr­ir utan þá staðreynd að ást­in dró hann aust­ur sá hann fram á betra veður, en Aust­ur­land er þekkt fyr­ir háar hita­töl­ur á sumr­in.

Sig­finn­ur Björns­son, verk­efna­stjóri hjá Aust­ur­brú, seg­ir það hafa verið auðvelda ákvörðun að flytja frá Reykja­vík til Eg­ilsstaða fyr­ir nokkr­um árum. Fyr­ir utan þá staðreynd að ást­in dró hann aust­ur sá hann fram á betra veður, en Aust­ur­land er þekkt fyr­ir háar hita­töl­ur á sumr­in.

Sig­finn­ur hef­ur starfað í ferðaþjón­ustu frá 19 ára aldri. „Ég er fædd­ur og upp­al­inn á Höfn í Hornafirði. Ég byrjaði sem þjónn á Hót­el Höfn og svo vatt þetta upp á sig, ég gegndi þar eig­in­lega öll­um stöðum fyr­ir utan hót­el­stjóra,“ seg­ir Sig­finn­ur sem starfaði einnig hjá Eld­ingu við hvala­skoðun í Reykja­vík áður en hann flutti aust­ur.

Hef­ur þú alltaf verið með dug­leg­ur að ferðast?

„Mamma var mjög dug­leg að fara með okk­ur á skíði. Hún keyrði með okk­ur alla leið á Seyðis­fjörð, hún er þaðan. Við vor­um þar flest­ar helg­ar og alla páska. Ég var líka alltaf virk­ur krakki,“ seg­ir Sig­finn­ur sem er með æv­in­týraþrána í blóðinu.

Stuðlagil er skyldustopp á Austurlandi og mælir Sigfinnur að sjálfsögðu …
Stuðlagil er skyldu­stopp á Aust­ur­landi og mæl­ir Sig­finn­ur að sjálf­sögðu með því á full­komn­um degi. Ljós­mynd/Þ​rá­inn Kol­beins­son

Stutt í all­ar átt­ir á Eg­ils­stöðum

Sig­finn­ur býr með Guðlaugu Mar­gréti Jó­hanns­dótt­ir og dætr­um þeirra tveim­ur á Eg­ils­stöðum. „Við kynnt­umst í ferðamála­fræði. Eft­ir námið réð hún sig til Vök Baths sem var að opna,“ seg­ir Sig­finn­ur um ástæðu flutn­ing­anna.

Hvernig var að flytja?

„Það var ótrú­lega fínt. Gul­rót­in sem dró mann, fyr­ir utan ást­ina, var að það var búið að lofa manni ótrú­lega góðu veðri hérna. Sumr­in á Aust­ur­landi virðast alltaf vera þau hlýj­ustu þegar maður er ekki hérna. Maður kík­ir á kortið og þá er alltaf sól og blíða á Eg­ils­stöðum,“ seg­ir Sig­finn­ur sem varð ekki fyr­ir von­brigðum með veðrið.

Hvernig er hvers­dags­lífið?

„Mér finnst það ótrú­lega gott, sér­stak­lega þetta með tímasparnaðinn. Að geta labbað eða hjólað nán­ast hvert sem er. Það er líka stutt að fara yfir í aðra bæi. Frá Eg­ils­stöðum ertu inn­an við klukku­tíma niður í alla byggðar­kjarna Aust­ur­lands fyr­ir utan Vopna­fjörð sem er aðeins lengra. Það er svo skemmti­legt hvað sam­fé­lagið er breyti­legt eft­ir því sem þú ferðast á milli bæja, all­ir bæir eiga sín sér­kenni, sér­stak­lega niður á fjörðum þar sem eru göm­ul sjáv­arþorp.“

Er þetta líkt því sem þú ólst upp við?

„Horna­fjörður er svo ein­angraður, vissu­lega með Djúpa­vog í klukku­tíma aust­ur en svo ertu með Kirkju­bæj­arklaust­ur sem er næsti bær í átt­ina að Reykja­vík. Maður var ekki að fara á milli staða. Maður var á Höfn og fór svo til Reykja­vík­ur ef það þurfti aukaþjón­ustu.“

Sigfinnur er mikill hlaupagarpur en hann tekur þátt í tveimur …
Sig­finn­ur er mik­ill hlaupagarp­ur en hann tek­ur þátt í tveim­ur ut­an­vega­hlaup­um á Aust­ur­landi í sum­ar. Ljós­mynd/​Aðsend

Full­komið að vakna í Atla­vík í sól

Hvernig er hinn full­komni dag­ur á Eg­ils­stöðum?

„Í fyrsta lagi vakn­ar þú í 20 stiga hita í sól og blíðu á tjaldsvæðinu í Atla­vík í Hall­ormsstaðaskógi. Þá er hægt að fara yfir á Skriðuk­laust­ur og á Klaust­ur­kaffi á kaffi­hlaðborð. Svo get­ur þú keyrt inn Fljóts­dal­inn og kíkt á Óbyggðasetrið. Þar er ótrú­lega skemmti­leg sýn­ing um hvernig Íslend­ing­ar bjuggu. Hengi­foss er í ná­grenn­inu en hann er ótrú­lega fal­leg­ur foss og er mik­il upp­bygg­ing búin að eiga sér stað. Þetta er ekki erfið ganga en brött á köfl­um, það er bara hægt að taka tíma og njóta. Svo myndi ég stinga upp á því að fara í hrein­dýrag­arðinn á Vín­landi. Þar eru Garp­ur og Mosi sem fund­ust sem kálf­ar uppi á fjalli fyr­ir tveim­ur, þrem­ur árum þegar þeir urðu viðskila við móður sína. Þeir voru sett­ir í at­hvarf og búa nú á Vín­landi. Gest­ir geta gefið þeim að borða eða drekka og geta gest­ir kom­ist þarna í ná­lægð við hrein­dýr­in en þau eru sérstaða Aust­ur­lands.

Við erum með fullt af frá­bær­um veit­inga­stöðum á Eg­ils­stöðum eins og Niel­sen sem kokk­ur­inn Kári rek­ur. Hann er sömu­leiðis bú­inn að taka yfir Salt þar sem er meiri bistro-stemn­ing. Svo lok­ar þú kvöld­inu í Vök þar sem þú tek­ur inn kvöld­sól­ina.“

Það er skemmtilegt að skoða hreindýrin Garp og Mosa á …
Það er skemmti­legt að skoða hrein­dýr­in Garp og Mosa á ferðalag­inu. Ljós­mynd/​Fann­ar Magnús­son
Sigfinnur mælir með því að gera sér ferð að Hengifossi.
Sig­finn­ur mæl­ir með því að gera sér ferð að Hengi­fossi. Ljós­mynd/Þ​rá­inn Kol­beins­son

Áttu upp­á­halds­nátt­úruperlu á svæðinu?

„Já, nokkr­ar. Hafn­ar­hólmi á Borg­ar­f­irði eystri. Ég held að það sé án vafa besti staður­inn á Íslandi til að kom­ast í snert­ingu við lunda. Það er búið að byggja göngu­stíg í gegn­um varpið þeirra. Þeir eru bara nokkr­um metr­um frá þér. Stapa­vík sömu­leiðis á leiðinni frá Héraðsflóa er ótrú­lega skemmti­leg göngu­leið. Hún er stutt, ég held að hún sé fimm kíló­metr­ar aðra leið, ágæt­is dags­ganga. Ekki beint rosa­lega erfið. Svo get­ur maður ekki sleppt því að minn­ast á Stuðlagil. Svo er Hólma­nes mitt á milli Eskifjarðar og Reyðarfjarðar. Þetta er fólkvang­ur sem er gam­an að ganga um með miklu fugla­lífi.“

Sig­finn­ur seg­ir Atla­vík lang­vin­sæl­asta tjaldsvæðið í lands­hlut­an­um. Hann bend­ir þó einnig á tjaldsvæðið í Fos­sár­dal í Beruf­irði sem hann seg­ir fal­legt. Tjaldsvæðin í bæj­un­um eru einnig mjög góð að sögn Sig­finns. „Ég mæli hik­laust með að fólk prófi eitt­hvað nýtt, ef það hef­ur tjaldað í Atla­vík þá mæli ég með að það prófi að tjalda í Norðfirði. Það er virki­lega fal­legt þar, Gerp­is­svæðið er til dæm­is mjög fal­legt svæði.“

Aðstaðan til lundaskoðunar á Borgarfirði eystri er einstök.
Aðstaðan til lunda­skoðunar á Borg­ar­f­irði eystri er ein­stök. Ljós­mynd/Þ​or­steinn Roy Jó­hanns­son

Ætlar að hlaupa um Aust­ur­land

Hvað ætl­ar þú að gera í sum­ar?

„Ég er hlaup­ari þannig að þetta snýst allt um hlaup. Hér fyr­ir aust­an erum við svo hepp­in að við erum með tvö góð ut­an­veg­ar­hlaup. Við erum með Dyr­fjalla­hlaupið sem er á Borg­ar­f­irði eystri, það hef­ur skap­ast helj­ar­inn­ar hátíð í kring­um hlaupið. Svo erum við í fyrsta sinn með Snæ­fells­hlaupið þar sem hlaupið er hring­inn í kring­um Snæ­fell en það er okk­ar næst­hæsta fjall og hæsta fjall utan jökla.“

Nærðu að njóta nátt­úr­unn­ar á hlaup­um?

„Maður sæk­ir sér kraft úr um­hverf­inu það þýðir ekk­ert að horfa niður á tærn­ar þó þetta sé erfitt. Sér­stak­lega í góðu veðri þegar maður er byrjaður að erfiða þá get­ur maður sótt kraft í um­hverfið og notið þess að hlaupa um og þeirra lífs­gæða að geta hlaupið í þessu fal­lega um­hverfi okk­ar,“ seg­ir Sig­finn­ur. Hann hef­ur verið dug­leg­ur að sækja fleiri hátíðir á svæðinu en hlaupa­hátíðir og nefn­ir meðal ann­ars Bræðsluna, LungA sem verður hald­in í síðasta skipti í ár og Franska daga.

Dyrfjallahlaupið. Sigfinnur ætlar að taka þátt í hlaupinu í ár.
Dyr­fjalla­hlaupið. Sig­finn­ur ætl­ar að taka þátt í hlaup­inu í ár. Ljós­mynd/Þ​or­steinn Roy Jó­hanns­son
mbl.is