Ólífuolía er náttúruleg vara unnin úr ólífum, ávöxtum ólífutrjánna. Hún hefur verið notuð í matargerð og til lækninga í árþúsundir og er þekkt fyrir sína einstöku næringar- og bragðeiginleika.

Ólífuolía er flokkuð eftir gæðum, þar sem „extra virgin“ ólífuolía er talin vera af hæstu gæðum. Extra virgin ólífuolía er kaldpressuð, sem þýðir að hún er unnin án hita eða efnahvata sem gæti breytt efnasamsetningu hennar. Þetta tryggir hreinni og bragðmeiri olíu sem viðheldur flestum næringarefnum sínum.

Hafa jákvæð áhrif á hjartaheilsu

Rannsóknir hafa sýnt að neysla á extra virgin ólífuolíu getur haft jákvæð áhrif á hjartaheilsu, lækkað bólgu í líkamanum og veitt andoxunarefni sem styrkja ónæmiskerfið. Kaldpressunaraðferðin, sem notuð er við framleiðslu á extra virgin ólífuolíu, viðheldur miklu magni af gagnlegum efnasamböndum eins og polyfenólum, sem hafa þekkt bólgueyðandi áhrif.

Fjölmargar tegundir eru til af ólífuolíu en ein þekktasta tegundin hér á landi er vörumerkið Filippo Berio. Filippo Berio hefur rótgróna sögu í framleiðslu á hágæða ólífuolíu. Það var stofnað á Ítalíu árið 1867 og hefur síðanorðið eitt af virtustu vörumerkjum ólífuolíu í heiminum. Sagan byrjar með Filippo Berio sjálfum sem var staðráðinn að búa til ólífuolíu af hæstu gæðum með ástríðu og natni.

Gott er að steikja upp úr olífuolíu sem og að steikja og baka brauð sem búið er að bera ólífuolíu á. Ljósmynd/Aðsend

Hentar sérstaklega vel í íslenska matargerð

Á Íslandi er Filippo Berio orðið vel þekkt nafn á sviði ólífuolíu með vörur sem eru hannaðar fyrir þá sem vilja gæðaolíu í eldhúsið. Extra virgin ólífuolían frá Filippo Berio er ekki bara kaldpressuð og næringarrík heldur einnig með bragð og eiginleika sem henta sérstaklega vel í íslenska matargerð, hvort sem um ræðir sósur, salöt eða sem viðbót við heita rétti.