Halla Tómasdóttir forseti Íslands klæddist íslenska þjóðbúningnum á Menningarnótt þegar hún kom í heimsókn í Hörpu. Búningurinn sem Halla klæddist var fenginn að láni hjá Þjóðdansafélagi Reykjavíkur í Mjóddinni en félagið á eitt stærsta þjóðbúningasafn landsins. 

Halla klæddist 20. aldar búningi sem er einn sá algengasti hérlendis. Sérfræðingar hjá Þjóðdansafélagi Reykjavíkur setja saman hvern búning fyrir sig og var Halla í svörtu vesti, upphlut með balderuðum borðum sem var skreytt með víravirki. Hún klæddist hvítri línskyrtu undir upphlutnum með sérstrakri áferð. Pilsið við búninginn var svart og svo var hún með svarta flauelssvuntu við og með svarta flauelshúfu. 

Eins og sjá má tók forsetinn sig vel út í þjóðbúningnum og var glæsileg á velli.