Guðbjörg Sigurðardóttir, kvikmyndaframleiðandi og eiginkona Ottós Guðjónssonar lýtalæknis á Dea Medica, hefur fest kaup á 130,8 fm íbúð við Kvisthaga í Reykjavík. Um er að ræða vandaða og eigulega íbúð á góðum stað í Vesturbænum sem er á annarri hæð í húsi sem reist var 1954. Nokkrum árum síðar, eða 1961, var bílskúr reistur við húsið.

Bílskúr fylgir einmitt íbúðinni sem Guðbjörg festi kaup á. Guðbjörg hefur verið fyrirferðamikil á fasteignamarkaðnum og hefur keypt og selt nokkrar fasteignir á síðustu árum. Það rataði í fréttir þegar Guðbjörg seldi Björk Guðmundsdóttur rúmlega 400 milljóna Sigvaldahús við Ægisíðu. 

Íbúðin sem Guðbjörg festi kaup á er við Kvisthaga í Reykjavík.

Frétt af mbl.is

Guðbjörg og Ottó selja fínasta hús Ægisíðunnar

Guðbjörg seldi Björk Guðmundsdóttur einbýlishús við Ægisíðu í Reykjavík.

Tvær íbúðir við Hafnartorg 

Á tímabili átti Guðbjörg tvær íbúðir í glæsihúsunum við Hafnartorg, þar að segja við Reykjastræti 5 og Bryggjugötu 2. Í apríl seldi hún íbúðina við Reykjastræti 5 og fékk fyrir hana 230.000.000 kr. 

Frétt af mbl.is

Guðbjörg seldi 230 milljóna lúxusíbúð við Hafnartorg

Frétt af mbl.is

Guðbjörg keypti lúxusíbúð við Austurhöfn

Einhverjir gætu spurt sig að því hvað hún kaupi næst enda mikil smekkkona þegar kemur að fasteignum og heimilum almennt. 

Smartland óskar Guðbjörgu til hamingju með íbúðina!