Of­ur­fyr­ir­sæt­an Kendall Jenner var nærri óþekkj­an­leg er hún gekk tískupall­inn fyr­ir snyrti­vör­uris­ann L’Or­eal á tísku­vik­unni í Par­ís sem stend­ur nú yfir í frönsku borg­inni.

Jenner, sem er með dökk­brúnt hár frá nátt­úr­unn­ar hendi, hef­ur nú gengið til liðs við ljós­hærða liðið, en hún vakti mikla at­hygli viðstaddra þegar hún gekk tískupall­inn klædd eld­rauðum síðkjól og með flæðandi ljósa lokka.

Of­ur­fyr­ir­sæt­an, sem er hluti af þekkt­ustu fjöl­skyldu í heimi og gerði garðinn fræg­an í raun­veru­leikaþáttaröðinni Keep­ing Up With the Kar­dashi­ans, deildi myndaseríu á In­sta­gram-síðu sinni á miðviku­dag og fékk mis­jöfn viðbrögð frá fylgj­end­um sín­um, sem telja hátt í 292 millj­ón­ir.

Marg­ir eru sam­mála um að hún hafi aldrei litið bet­ur út en aðrir vilja sjá hana skarta dökka hár­inu á ný.

Kendell Jenner var á meðal gesta á Met Gala-viðburðinum í New York í júní. AFP