Franska tísku­húsið Chanel frum­sýndi vor- og sum­ar­lín­una fyr­ir árið 2025 á tísku­vik­unni í Par­ís fyrr í dag. Sýn­ing­in fór fram í Grand Pala­is sem hef­ur verið einn aðal­sýn­ing­arstaður Chanel um ára­bil. Lauf­ey Lín Jóns­dótt­ir og Jún­ía Lín Jóns­dótt­ir voru í fremstu röðum á tísku­sýn­ing­unni. Þetta er einn stærsti viðburður­inn á tísku­vik­unni og er yf­ir­leitt stjörn­um prýdd­ur.

Þema lín­unn­ar er eterískt frelsi og er fyr­ir þær kon­ur sem hafa frelsað sig frá aug­um sam­fé­lags­ins. „Þetta flug er til­einkað þeim,“ seg­ir í til­kynn­ingu frá Chanel.

Í lín­unni er mikið um fjaðrir sem eiga að tákna flugið, þunn­ar skikkj­ur úr chiffon-efni, galla­bux­ur með pallí­ett­um og kögri og létta lit­ríka og mynstraða kjóla. Dragt­ir úr fræga tweed-efn­inu þeirra eru á sín­um stað sem og vesti í ljós­bleik­um lit.