Bandaríski sveitasöngvarinn Garth Brooks er sakaður um að hafa nauðgað förðunarfræðingi á hótelherbergi hennar.

Málið var höfðað í Kaliforníu í gær.

Konan, sem heitir Jane Roe í dómskjölum, segir að söngvarinn hafi ítrekað brotið á henni, meðal annars með því að bera sig fyrir framan hana og beitt hana ofbeldi er þau störfuðu saman árið 2019.

AFP/Andres Caballeru-Reynolds

„Kæran sem var lögð fram í dag sýnir að kynferðisleg rándýr eru ekki bara til í fyrirtækjum í Bandaríkjunum, Hollywood og rapp- og rokkheiminum, heldur einnig í heimi kántrítónlistar,“ sögðu lögmenn konunnar í yfirlýsingu.

„Við erum sannfærð um að Brooks verði látinn gjalda fyrir gjörðir sínar.“