Dr. Erla Björnsdóttir, eigandi svefnmeðferðarfyrirtækisins Betri svefns, hefur rannsakað svefnvenjur barna og fullorðinna um margra ára skeið. Árið 2022 stóð Erla að stórri rannsókn í samstarfi við Reykjavíkurborg þar sem svefn íslenskra ungmenna var mældur. Í kjölfarið var skólabyrjun seinkað til kl. 8.50 hjá elsta stigi í grunnskólum borgarinnar.

Langar að hjálpa konum um allan heim að sofa betur

„14-17 ára unglingar þurfa átta til tíu tíma svefn,“ segir Erla í Dagmálum. „Framleiðslu melatóníns seinkar hjá unglingum á kynþroskaaldri og þar með seinkar líkamsklukku þeirra. Þeim hentar betur að sofna seinna og vakna seinna – þetta er náttúrulegt ferli sem stafar ekki af leti,“ lýsir Erla og segir verkefnið hafa sýnt fram á jákvæð áhrif á svefnvenjur ungmenna. Skorar hún á önnur sveitarfélög að gera slíkt hið sama og ekki síður menntaskólana. Nánar í Dagmálum í dag.

Dr. Erla Björnsdóttir. mbl.is/María Matthíasdóttir