Haustið er því miður senn á enda og enn kaldari árstími að taka við. Þá er mikilvægt að eiga góða peysu. Fyrir þau sem finna aðeins vonlausar akrýlpeysur frá því í fyrra í fataskápnum og verða að endurnýja eru hér nokkrar hugmyndir að flottum peysum sem munu nýtast vel. 

Á tískupöllunum fyrir veturinn mátti sjá alls konar útgáfur af peysum en það voru þó aðallega peysur í brúnum og gráum tónum sem voru mest áberandi. Peysurnar komu í öllum gerðum, bæði stuttar og hnepptar eða þykkar og síðar. Hjá franska tískuhúsinu Chloé var áberandi að nota belti yfir peysuna sem er sniðug leið til að nota sömu peysuna á mismunandi vegu. 

Hjá danska fatamerkinu Skall Studio voru þykkar peysur settar yfir axlirnar og gegndu þær hlutverki trefils sem gæti komið sér vel í norðanáttinni. Hjá ítalska merkinu Ferragamo var ullin notuð frá toppi til táar og allt í sama litnum.

Svo að peysan þjóni þeim tilgangi sem hún er ætluð fyrir, að vernda fyrir kulda, verður að hafa efnasamsetninguna í huga. Því hærra hlutfall af ull, því hlýrri er peysan. Góð peysa ætti að duga í mörg ár ef hún er vönduð og hana má nota á marga mismunandi vegu. Það er augljóst að það verður að leyfa ímyndunaraflinu að ráða.

Peysa frá The.Garment, fæst í Andrá og kostar 41.900 kr.

Peysa frá Hildi Yeoman, kostar 48.900 kr.

Peysa frá Gustav Denmark, fæst í Mathilda og kostar 26.990 kr.

Peysa frá COS, kostar 19.000 kr.

Peysa frá Samsøe Samsøe, fæst í EVU og kostar 23.995 kr.

Peysa frá Samsøe Samsøe, fæst í EVU og kostar 38.995 kr.

Létt ullarpeysa frá ZÖRU, kostar 8.995 kr.

Peysa frá H&M, kostar 5.500 kr.

Peysa frá Second Female, kostar 29.900 og fæst í FOU22.

Ullarpeysa úr Zöru, 11.995 kr.

Ullarpeysa frá As We Grow, kostar 38.900 kr.

Peysa frá Gestuz, fæst í Andrá og kostar 25.900 kr.