Handboltastjarnan Aron Pálmarsson hefur sett raðhús sitt í Hafnarfirði á sölu. Aron býr í húsinu ásamt kærustu sinni, Ritu Stevens, og eiga þau eitt barn saman. Hún átti tvö börn fyrir og hann átti eitt. 

Um er að ræða 175 fm endaraðhús sem reist var 2022. Aron festi kaup á húsinu í fyrra og greiddi fyrir það 134.000.000 kr. Nú eru settar 139.900.000 kr. á húsið. 

Allt tipp topp! 

Húsið er í Setberginu í Hafnarfirði og er allt eins og nýtt í húsinu. 

Í eldhúsinu er innrétting frá HTH og eru Corestone-borðplötur á borðum. Eldhústækin eru frá AEG. Eldhús og stofa renna saman í eitt og er gegnheilt parket á gólfum. Þar eru líka sérsaumuð gluggatjöld sem fylgja með húsinu. Í sama rými er sjónvarpsherbergi og er plássið vel nýtt. 

Frétt af mbl.is

Aron keypti raðhús undir stækkandi fjölskyldu

Sjá nánar á fasteignavef mbl.is: Stekkjarberg 9c

Eldhúsinnréttingin er frá HTH.

Síðir gluggar eru í stofunni og er gegnheilt parket á gólfum.

Horft úr stofu inn í eldhús og í sjónvarpsherbergi.

Borðstofa tengir eldhús og stofu saman.