Við Gunnarssund í hjarta Hafnarfjarðar stendur vandað einbýlishús byggt árið 2011. Húsið er bjart, stílhreint og vel skipulagt. Tvö baðherbergi, tvö svefnherbergi og timburpallur sem snýr í suður fylgir húsinu. 

Eldhúsið er staðsett á neðri hæð og þar er glæsileg eyja með spanhelluborði. Eldhúsið er opið inn í rúmgóða stofu og borðstofu sem eru óvenjubjartar. Þaðan er útgengt í garðinn eða timburpallinn sem snýr í suður. Á efri hæð hússins er gott alrými með mikilli lofthæð sem notað er sem sjónvarpsherbergi. Vönduð gólfefni, tæki og sérsmíðaðar innréttingar eru í húsinu. 

Núverandi eigendur hafa auga fyrir klassískri hönnun en í húsinu má finna húsgögn frá Norr11, Y-stólinn eftir Hans Wegner og PH-gólflampann eftir Louis Poulsen.

Á fasteignavef mbl.is: Gunnarssund 9

Húsið er stílhreint og fallegt.

Mammoth-stóllinn frá Norr11 prýðir stofuna.

Í borðstofunni má finna Y-stólana eftir Hans Wegner sem eru vinsælir hér á landi.

Eldhúsið er bjart og stílhreint.

Sjónvarpsstofa á efri hæð sem auðvelt er að breyta í auka herbergi.

Barnaherbergið er fallegt.

Það er mikill munaður að hafa baðkar.

Húsið var byggt árið 2011.