Íslenski fótboltamaðurinn, Kolbeinn Sigþórsson, hefur selt glæsiíbúð sína í Kópavogi. Íbúðin var auglýst til sölu fyrir nokkru síðan og vakti hönnunin athygli. Rut Káradóttir innanhússarkitekt hannaði íbúðina og eru fótspor hennar áberandi í allri hönnun. 

Um er að ræða 184,2 fm íbúð sem er í blokk sem reist var 2021. Allar innréttingar eru dökkar og dramatískar en íbúðin er þó ekki eins og einhver hellir því stórir gluggar hleypa mikilli birtu inn. 

Kolbeinn keypti á dögunum glæsihús í Grafarvogi en húsið keypti hann af Einari Erni Benediktssyni og Sigrúnu Guðmundsdóttur. 

Frétt af mbl.is

Kolbeinn Sigþórsson keypti 225 milljóna glæsihús

Borðstofuborðið og ljósið fyrir ofan fylgir líka með í kaupunum.

Í eldhúsinu eru bæsaðar eikar-innréttingar og marmari.

Nú hefur íbúðin verði seld á 208.000.000 kr. en með í kaupunum fylgir nýtt parket, ísskápur, vínkælir, þvottavél, þurrkari, borðstofuborð og ljós. 

Steinn Jónsson er kaupandi íbúðarinnar og fær hann hana afhenta 31. janúar 2025. 

Úr stofunni er fallegt útsýni út á Fossvoginn sjálfan.

Sérsmíðaðar bókahillur eru á ganginum.

Baðherberbergið er eins og listaverk með marmaraflísum og lýsingu.