Í síðustu viku opnaði ný verslun, Thomsen Reykjavík, sem selur íslenska hönnun. Það er tónlistarmaðurinn og tískukóngurinn, Gunni Hilmars, sem á heiðurinn af hönnun fatalínunnar sem heitir Thomsen líkt og verslunin. Hann hefur verið fyrirferðarmikill í íslensku hönnunarsenunni og svo er hann í hljómsveitinni Sycamore Tree ásamt Ágústu Evu Erlendsdóttur.

„Við bjóðum upp á klassísk og tímalaus snið úr vönduðum efnum með fágun, þægindi og skandinavíska klæðahefð að leiðarljósi. Við leggjum áherslu á vandaðar og endingargóðar flíkur sem þú munt nota og njóta árum saman,“ segir Gunni Hilmars.