Ómar R. Valdimarsson, lögmaður á lögmannsstofunni Valdimarsson, er kominn með kærustu. Sú lukkulega heitir Eva Margrét Ásmundsdóttir og er fasteignasali hjá Croisette.

DV greindi frá því að parið væri að hittast og hefði farið saman á árshátíð Valdimarsson sem haldin var í Berlín á dögunum. 

Ómar var áður kvæntur Margréti Ýr Valdimarsdóttur kennara og eiganda Hugmyndabankans. Þau bjuggu í fallegu húsi í Garðabænum sem var sett á sölu í kjölfar skilnaðarins. 

Frétt af mbl.is

Ómar R. og Margrét í sitthvora áttina

Ómar R. Valdimarsson og Eva Margrét Ásmundsdóttir eru nýtt par. Ljósmynd/Instagram

Ómar festi kaup á íbúð í húsi við Laufás 3 í Garðabæ.

Keypti 83,5 milljóna íbúð 

Eftir skilnaðinn festi Ómar kaup á íbúð við Laufás 3 í Garðabæ og greiddi fyrir hana 83.500.000 kr. Hann er skráður 90% eigandi íbúðarinnar á móti 10% hlut Esja Legal ehf. sem er félagið sem rekur Valdimarsson lögmenn. Íbúðin er 144,1 fm að stærð og var húsið reist 1962. 

Í kjölfarið hefur Ómar breytt ýmsu í sínu lífi en á dögunum auglýsti hann forlátan Eames-stól til sölu vegna plássleysis. 

Frétt af mbl.is

Ómar selur Eames-stól vegna plássleysis

Hér má sjá eldhúsið í íbúð Ómars eftir að það var tekið í gegn.