Guðmundur Birkir Pálmason, jafnan kallaður Gummi kíró, og Gerður Arinbjarnardóttir, eigandi kynlífstækjaverslunarinnar Blush, hafa tekið höndum saman og ætla að halda sérstakt herrakvöld í húsakynnum Blush annað kvöld, fimmtudagskvöldið 5. desember.

Guðmundur, tískukonungur og þekktasti kírópraktor landsins, mun fara yfir allt það helsta sem snýr að auknu sjálfstrausti í gegnum fatastíl og húðumhirðu, enda sannkallaður sérfræðingur og fyrirmynd þegar kemur að nútímalegum fatastíl og glóandi húð. Það er því upplagt fyrir herramenn landsins að mæta, leita ráða og spyrja hann spjörunum úr.

Þetta flotta tvíeyki mun einnig fjalla um kynlíf, samskipti og sambönd á fjörugan og fræðandi hátt, sem er öllum gott að hlýða á.

Gest­um verður boðið upp á fljót­andi veit­ing­ar og ljúf­fenga mat­ar­bita og einnig verður af­slátt­ur af öllu í versl­un Blush, fyr­ir þá herramenn sem vilja koma mök­um sín­um skemmti­lega á óvart og lífga upp á rúm-leik­fim­ina.