Á ferðalagi | 6. desember 2024
Ísland í þriðja sæti yfir friðsælustu áfangastaði heims
Ástralía er talinn friðsælasti áfangastaður í heiminum í dag. Nokkur af þeim löndum sem áður komust á listann, t.d. Frakkland, Spánn, Ítalía og Tyrkland, glíma nú við ofurferðamennsku og leita ferðamenn því á ný mið til að upplifa rólegheitafrí.
Ísland í þriðja sæti yfir friðsælustu áfangastaði heims
Á ferðalagi | 6. desember 2024
Setja bókamerki
Ástralía er talinn friðsælasti áfangastaður í heiminum í dag. Nokkur af þeim löndum sem áður komust á listann, t.d. Frakkland, Spánn, Ítalía og Tyrkland, glíma nú við ofurferðamennsku og leita ferðamenn því á ný mið til að upplifa rólegheitafrí.
Ástralía er talinn friðsælasti áfangastaður í heiminum í dag. Nokkur af þeim löndum sem áður komust á listann, t.d. Frakkland, Spánn, Ítalía og Tyrkland, glíma nú við ofurferðamennsku og leita ferðamenn því á ný mið til að upplifa rólegheitafrí.
Þótt Ástralía vermi toppinn eru mörg Norður-Evrópulönd, þ.á.m Ísland, ofarlega á listanum og skáka þar með hlýrri löndum Suður-Evrópu.
Yfir 76 áfangastaðir voru greindir og raðaðir á listann eftir svokallaðri Global Relaxation Index, sem felur í sér fimm lykilþætti: Öryggi, tækifæri til einveru, stöðugleika, náttúru og almenna vellíðan.
Lykilatriðin fimm voru metin út frá verndarsvæðum, skóglendi, mannfjölda á hvern ferkílómetra, hávaðamengun og framboði á vellíðunarupplifunum. Hver áfangastaður fékk síðan einkunn á bilinu einn upp í hundrað.
Löndin á listanum
Ísland fær nánast fullt hús stiga er varðar öryggi og stöðugleika og lendir í þriðja sæti á listanum.
Finnland er næst á eftir eða í fjórða sæti. Landið deilir viðmiðum um dreifingu mannfjölda, undir 20 manns á hvern ferkílómetra, með Íslandi.
Löndin tvö eru í algjörri andstöðu við Ítalíu sem er með um 198 manns á hvern ferkílómetra og Máritíus með 626 manns á hvern ferkílómetra.
Aðrir „afslappandi“ áfangastaðir eru Austurríki í sjötta sæti, Svíþjóð í sjöunda sæti, Eistland í áttunda sæti, Noregur í níunda sæti og Portúgal í tíunda sæti, fyrir grænar borgir, hægan lífsstíl og mikið um vellíðunarhefðir.
Spánn endar í 16. sæti og Frakkland í því 33.
Kanada er í öðru sæti og eini áfangastaður Norður-Ameríku á topp 25. Það er vegna 4.700 möguleika í vellíðunarupplifun og vegna þá staðreyndar að um 35% skógur þekur landið og náttúruundra á borð við norðurljósin.
Þá segir jafnframt að þau lönd sem áður voru vinsæl hafi drukknað í eigin vinsældum og ofurferðamennsku.
Ferðalög með slökun að markmiði eru talin verða áfram vinsæl árið 2025 þegar fleiri ferðamenn sækja í ósnortna náttúru og afslappað umhverfi.
/frimg/1/52/63/1526330.jpg)
/frimg/1/51/65/1516578.jpg)
/frimg/1/51/33/1513338.jpg)
