Poppdrottningin Beyoncé Knowles hefur verið valin sú besta á þessari öld af Billboard-tímaritinu. Nú þegar eru aðeins tuttugu- og fjögur ár liðin og tímabært að þeirra mati að nefna þann sem staðið hefur upp úr. Starfsfólk Billboard komst að þessari niðurstöðu þegar þau tóku saman lista yfir áhrifamestu popptónlistarmenn síðustu 25 ára.

Árið 2000 komst Beyoncé á Billboard Hot 100-listann sem meðlimur í hljómsveitinni Destiny's Child fyrir lagið Say My Name og hefur setið á listanum margoft síðan þá.

Taylor Swift er einnig ofarlega á listanum en Beyoncé er talin hafa haft meiri áhrif á sviði tónlistarinnar. Einnig er hún talin hafa viljað þróast og feta nýjar slóðir. Það eru auðvitað enn fjölmörg ár eftir af öldinni og áhugavert væri að vita hvort Billboard verði sömu skoðunar við lok aldarinnar.

Billboard