Inga Sæland formaður Flokks fólksins býr í 148 fm íbúð við Maríubaug 121 í Grafarholti. Húsið sem Inga býr í var reist 2001 en hún festi kaup á íbúðinni 17. mars 2021 og greiddi fyrir hana 58.500.000 kr. 

Inga bauð Þorgerði Katrínu Gunnarsdóttur formanni Viðreisnar og Kristrúnu Frostadóttur formanns Samfylkingarinnar í kaffi heim til sín um helgina þar sem þær eru í óða önn að reyna að mynda ríkisstjórn. Svokallaða Valkyrjustjórn. 

Frétt af mbl.is

Fundi lokið: „Þrjár hagsýnar í eldhúsinu hjá Ingu“

Hé eru Inga Sæland, Þorgerður Katrín Gunnarsdóttir og Kristrún Frostadóttir heima í eldhúsinu við Maríubaug. Ljósmynd/Facebook

120 milljóna íbúð til sölu 

Nú er önnur íbúð í húsinu komin á sölu. Hún er örlítið minni en íbúð Ingu, eða 120 fm að stærð. Búið er að skipta um innréttingar á baðherbergi og flikka upp á eldhúsinnréttingu. Í þessari íbúð er hátt til lofts og vítt til veggja. 

„Komið er inn í anddyri með flísum á gólfi, þar skápur fyrir yfirhafnir. Stofa og borðstofa eru með parketi á gólfi, aukin lofthæð sem setur svip sinn á rýmið, frá stofunni er gengið út á suður svalir með góðu útsýni. Opið er frá stofu yfir í rúmgott eldhúsið sem er með flísum á gólfi, afar gott skápapláss ofan og neðan borðplötu, borðlýsing í efri skápum, helluborð, innbyggð uppþvottavél, vifta og bakaraofn,“ segir í lýsingu á fasteignavef mbl.is. 

Sjá nánar á fasteignavef mbl.is: Maríubaugur 121

Hátt er til lofts í íbúðinni sem er í sama húsi og Inga Sæland býr í.