Það er á þessum árstíma, þegar fólk er komið í jólaskap, að rauði liturinn verður mun meira áberandi en áður. Þetta kemur ekki aðeins fram í seríum og jólarósum heldur fatnaði og snyrtivörum.

Litatónarnir af rauða litnum eru fjölmargir, allt frá eldrauðum yfir í vínrauðan. Ef þú hyggst ekki ganga svo langt að klæðast honum frá toppi til táar þá er algjörlega málið að prófa sig áfram með naglalakki eða rauðum varalit.