Ásakanir á hendur rapparans og upptökustjórans Jay-Z eru sagðar geta haft neikvæð áhrif á feril og framtíðarverkefni eiginkonu hans, stórsöngkonunnar Beyoncé Knowles.  

Jay-Z, sem heitir réttu Shawn Carter, er, ásamt Sean „Diddy“ Combs, sakaður um að hafa nauðgað 13 ára stúlku í eft­ir­par­tíi að lok­inni MTV-verðlauna­hátíðinni í sept­em­ber árið 2000 í máli sem var höfðað í vikunni.  

Rapparinn vísar ásökununum á bug og seg­ir málið, sem teng­ist fleiri mál­um sem hafa verið höfðuð gegn Diddy upp á síðkastið, vera til­raun til fjár­kúg­un­ar og kveðst ekki ætla að greiða sátta­greiðslu í mál­inu eins og óskað er eft­ir.  

Frétt af mbl.is

Jay-Z og Diddy sakaðir um að nauðga 13 ára stúlku

Beyoncé er sögð vera með fjölmörg verkefni í bígerð og þar á meðal heljarinnar tónleikaferðalag um heiminn á næsta ári sem nú er sagt ansi ólíklegt í ljósi ásakananna.

Fulltrúar söngkonunnar þvertaka fyrir þetta og segja hana ekki hafa uppi nein plön um tónleikaferðalag. Þeir segja hana ætla að ein­beita sér að fjöl­skyldu sinni í bili. Beyoncé mun þó koma fram á hálfleikstónleikum í heimaborg sinni, Houston, á jóladag og flytja lög af nýjustu plötu sinni, Cowboy Carter.

Frétt af mbl.is

Hvar er Beyoncé?

Cowboy Carter, sem er fyrsta kántrí-plata söngkonunnar, kom út í lok mars og sló öll met en platan hríðféll á vinsældalistum eftir að ásakanir gegn Combs komu upp á yfirborðið. Er það sagt hafa gerst vegna náins vinskapar Combs og Carter-hjónanna.

Frétt af mbl.is

Fetar í fótspor foreldra sinna

Frétt af mbl.is

Beyoncé sú besta á þessari öld