Það vakti athygli þegar raðhús við Hulduland í Fossvogi fór á sölu. Húsið er sérlega vel heppnað og fallegt, allt sérhannað að innan. Þorsteinn Roy Jóhannsson, ljós­mynd­ari og landsliðsmaður í ut­an­vega­hlaup­um, og Anna Daníelsdóttir keyptu húsið af Birnu Jennu Jónsdóttur og Atla Þorbjörnssyni. 

Húsið stát­ar af góðu skipu­lagi og heill­andi inn­rétt­ing­um. Húsið var reist 1968 og er 204 fm að stærð.

Í eld­hús­inu, sem snýr í norður, er að finna hvít­ar sprautulakkaðar inn­rétt­ing­ar í bland við eik­ar. Stór skápa­vegg­ur prýðir eld­húsið en svo eru neðri skáp­ar í L sem fram­kall­ar ríku­legt borðpláss. Mynd­ar­legt gashellu­borð er í eld­hús­inu og snýr eik­in í inn­rétt­ing­un­um lá­rétt sem er alltaf sér­lega fal­legt.

Húsið er á pöll­um en á efsta pall­in­um er stór stofa með enn þá stærri glugg­um sem hleypa suður­sól inn í húsið.

Frétt af mbl.is

170 milljóna hönnunarraðhús í Fossvogi

Smartland óskar Þorsteini og Önnu til hamingju með húsið!