Borgarferðir | 25. desember 2024
Komnir með nóg af ferðamönnum í Barcelona
Í júní tilkynnti borgarstjórnin í Barcelona aðgerðir til að sporna gegn skammtímaleigu á húsnæði til ferðamanna. Það var gert til að takast á við húsnæðiskreppu sem verið hefur í borginni í fjölda ára.
Komnir með nóg af ferðamönnum í Barcelona
Borgarferðir | 25. desember 2024
Setja bókamerki
Í júní tilkynnti borgarstjórnin í Barcelona aðgerðir til að sporna gegn skammtímaleigu á húsnæði til ferðamanna. Það var gert til að takast á við húsnæðiskreppu sem verið hefur í borginni í fjölda ára.
Í júní tilkynnti borgarstjórnin í Barcelona aðgerðir til að sporna gegn skammtímaleigu á húsnæði til ferðamanna. Það var gert til að takast á við húsnæðiskreppu sem verið hefur í borginni í fjölda ára.
Deilur um fjölda ferðamanna náðu ákveðnu hámarki í spænsku borginni í júlí þegar fjöldi heimamanna flykktist á götur út og mótmælti með því að skipa ferðamönnum að fara heim og úða yfir þá vatni. Í kjölfarið fóru í gang svipuð mótmæli á Kanaríeyjum og Majorka.
Á líðandi ári mátti sjá veggjakrot í Barcelona með skilaboðum á borð við: „Við hrækjum í bjórinn þinn – Skál!“ eða „Lúxusferðin þín – Mín daglega eymd.“
Barcelona laðar til sín um fimmtán milljónir ferðamanna ár hvert vegna menningar og lista, svo ekki sé minnst á eitt fremsta knattspyrnuliði heims. Má segja að 2024 hafi heimamenn fengið nóg og andspyrna gegn ferðamönnum hafi náð nýjum hæðum. Þótt þetta sé vissulega ekki eina borgin í Evrópu sem glímir við vandamálið, en einnig hefur borið á óánægju með of marga ferðamenn í borgum á Ítalíu og mörg skemmtiferðaskip standa nú frammi fyrir takmörkunum í fjölda hafna.
Dramatískar aðgerðir
Til að sporna gegn þessum fjölda ferðamanna hafa borgaryfirvöld í Barcelona hækkað ferðamannaskatta hratt; gjöld fyrir þrif, öryggi, innviði og aðra þjónustu.
Önnur aðgerð borgaryfirvalda fólst í að fjarlægja strætisvagnaleiðir af kortum Google. Nýlega hafa yfirvöld í Barcelona og Katalóníu einnig íhugað að tvöfalda miðaverð á vinsæla ferðamannastaði eins og í Gaudí-garðinn, sem og að fjórfalda bílastæðagjöld fyrir rútur við Sangrada Família-kirkjuna.
Um 156.000 rútur keyra um borgina árlega en ætlunin er að fækka þeim í 70.000 árið 2025. Þá eru „klístraðar“ minjagripaverslanir einnig í nálarauganu, en slíkar verslanir eru taldar hafa neikvæð áhrif á borgarmyndina.
Þrátt fyrir þessar aðgerðir er ennþá lögð áhersla á að Barcelona bjóði ferðamenn áfram velkomna og að ákveðnu jafnvægi verði náð sem verndar lífsgæði íbúa og sjálfbærni borgarinnar.
/frimg/1/52/42/1524282.jpg)
