Gróðureldar í Los Angeles | 10. janúar 2025
„Guði sé lof, það var þarna enn“
Á sama tíma og gríðarleg eyðilegging hefur orðið vegna gróðurelda í Los Angeles-sýslu í Kaliforníuríki og þúsundir hafa misst heimili sín, þá hefur það komið einstaka íbúum á óvart að koma að heimilum sínum óskemmdum.
„Guði sé lof, það var þarna enn“
Gróðureldar í Los Angeles | 10. janúar 2025
Setja bókamerki
Á sama tíma og gríðarleg eyðilegging hefur orðið vegna gróðurelda í Los Angeles-sýslu í Kaliforníuríki og þúsundir hafa misst heimili sín, þá hefur það komið einstaka íbúum á óvart að koma að heimilum sínum óskemmdum.
Á sama tíma og gríðarleg eyðilegging hefur orðið vegna gróðurelda í Los Angeles-sýslu í Kaliforníuríki og þúsundir hafa misst heimili sín, þá hefur það komið einstaka íbúum á óvart að koma að heimilum sínum óskemmdum.
Þrátt fyrir að eldar hafi logað þar allt í kring og eldhnöttum rignt yfir svæðið þegar þau flúðu að heiman.
Einn þeirra er Camoron Hudson, íbúi í Altadena, sem lýsti upplifun sinni í samtali við fréttamann. „Þegar ég yfirgaf heimili mitt á mánudagsmorgun þá rigndi yfir okkur glóð á stærð við golfbolta. Það var óbærilegt, það var svo mikill reykur og logandi eldhnettir, þetta var eins og í lélegri bíómynd,“ sagði Hudson.
Þegar hann fór svo til að athuga með heimilið sitt daginn eftir var það alveg óskemmt.
Hundruð heimila og fyrirtækja í Altadena hafa hins vegar orðið eldinum Eaton-eldinum að bráð.
Ein af þeim heppnu
Jessica G, sem búið hefur í Altadena alla ævi, var líka ein af þeim heppnu. Hún hélt hún hefði misst heimili sitt.
„Við gerðum ekki ráð fyrir að það væri neitt eftir, en þegar við keyrðum upp hlíðina og sáum það, Guði sé lof, það var þarna enn,“ sagði Jessica.
„Við erum svo heppin, en ég er svo sorgmædd fyrir hönd þeirra sem bjuggu í götunni.“
Yfir 9 þúsund heimili, fyrirtæki og aðrar byggingar hafa skemmst eða eyðilagst vegna Palisades og Eaton-eldanna í Los Angeles. Þá er staðfest að tíu hafa látist.
Enn loga eldar á fimm svæðum: Palisades, Eaton, Kenneth, Hurst og Lidia. Yfirvöld í Kaliforníu segja að 4.700 slökkviliðsmenn séu að störfum. Bæta á í vind í dag og verða þá aðstæður enn verri en áður vegna mikilla þurrka. Lítið hefur rignt það sem af er vetri og engin rigning er í kortunum.
