„Við eig­um ekki að túlka það þannig að það sé að fara að gjósa þarna núna. Þetta sýn­ir eigi að síður að Bárðarbunga er virk.“

Þetta seg­ir Magnús Tumi Guðmunds­son, pró­fess­or í jarðeðlis­fræði við Há­skóla Íslands, í sam­tali við mbl.is um kröft­uga jarðskjálfta­hrinu sem hófst í Bárðarbungu í morg­un.

Jarðskjálfta­hrin­an hófst klukk­an 6 í morg­un og mæld­ist stærsti skjálft­inn klukk­an 8.05, 5,1 að stærð. Eft­ir það hafa tug­ir minni skjálfta mælst á svæðinu.

Skjálfta­hrin­an er sú öfl­ug­asta sem orðið hef­ur í eld­stöðinni frá því að eld­gos kom upp í Holu­hrauni árið 2014. 

Magnús seg­ir að skjálfta­hrin­an sé að mörgu leyti óvenju­leg en þó eigi hún sér hliðstæður.

Nefn­ir hann Gjálp­argosið sem var á milli Bárðarbungu og Grím­s­vatna í októ­ber árið 1996 og und­an­fara goss­ins í Holu­hrauni í lok ág­úst árið 2014.

Frétt af mbl.is

Hlé á skjálftun­um: Lík­ist frek­ar Gjálp­argos­inu

Langt frá því að ná magn­inu fyr­ir gosið 2014

„Það sem við höf­um verið að sjá eft­ir að öskju­sigið varð, eft­ir stóra gosið í Holu­hrauni, er að það hef­ur verið virkni í Bárðarbungu. Mæl­ing­ar sem við höf­um gert þarna sýna að botn­inn hef­ur verið að rísa frá ár­inu 2015 og hann er bú­inn að rísa um þriðjung af þeim 65 metr­um sem hann seig í gos­inu í Holu­hrauni,“ seg­ir Magnús.

Nefn­ir hann að eld­stöðin í Bárðarbungu sé mjög öfl­ug og að erfitt sé að spá til um fram­haldið. Ef eld­gos brjót­ist út und­ir jökli geti það fram­kallað stór jök­ul­hlaup. 

Mikið magn kviku hafi safn­ast sam­an á síðustu tíu árum en að hún sé langt frá því að ná því magni sem var fyr­ir eld­gosið í Holu­hrauni árið 2014.

Magnús seg­ir at­b­urðarás­ina hafa verið hraða og komið vís­inda­mönn­um nokkuð á óvart.

„Við vit­um ekk­ert hvað er að fara að ger­ast, það get­ur vel verið að það ger­ist ekk­ert meira, en það lít­ur óneit­an­lega út fyr­ir að kvika hafi verið á ein­hverri hreyf­ingu.“

Frétt af mbl.is

Þetta vit­um við um at­b­urðarás gosa í Bárðarbungu