„Við erum orðin svo vön ein­hverj­um svona lát­um en það er alltaf gott að vera viðbúin ef hlut­irn­ir þró­ast til verri veg­ar. Við erum það klár­lega hérna og vinn­um bara með það sem að hönd­um ber,“ seg­ir Grím­ur Kára­son, slökkviliðsstjóri í Norðurþingi.

Aðgerðastjórn verður opin á Húsa­vík á milli klukk­an átta og tólf næstu daga eft­ir að lög­regl­an á Norður­landi eystra virkjaði viðbragðsáætl­un vegna auk­inn­ar jarðskjálfta­virkni í Bárðarbungu.

Sam­talið er virkt

„Við vilj­um sjá svona til ef það koma ein­hverj­ar spurn­ing­ar inn frá íbú­um í sveit­ar­fé­lag­inu sem þetta gæti snert ef eitt­hvað gerðist,“ seg­ir Grím­ur. Fólk er aðeins byrjað að hafa sam­band að hans sögn en þó ekki í mikl­um mæli. Seg­ir hann t.d. um að ræða fólk sem teng­ist skól­um og öðru í þeim dúr og sé með börn á ferðinni á milli svæða.

Fjar­fund­ir hafa verið haldn­ir með viðbragðsaðilum í um­dæm­inu. Marg­ar björg­un­ar­sveit­ir eru á svæðinu og seg­ir Grím­ur að fundað hafi verið með svæðis­stjórn Lands­bjarg­ar á svæði 12 í morg­un.

Í gær hafi þá verið fundað með sveit­ar­stjór­um þeirra tveggja sveit­ar­fé­laga sem eru á áhrifa­svæði flóða ef þau yrðu, ann­ars veg­ar í Þing­eyj­ar­sveit og hins veg­ar í Norðurþingi. 

„Þar fór­um við bara yfir þá stöðu og þær upp­lýs­ing­ar sem við höf­um fengið frá okk­ar fag­fólki á Veður­stof­unni og á al­manna­varna­deild­inni. Það er bara verið að setja menn aðeins meira upp á tærn­ar en dags dag­lega,“ seg­ir Grím­ur.

Frétt af mbl.is

Lög­regl­an virkj­ar viðbragðsáætl­un

Hætta á jök­ulflóði

Í grein­ingu á áhættu- og áfallaþoli í sveit­ar­fé­lag­inu sem staðfest var í sveit­ar­stjórn á síðasta ári kem­ur fram að helstu hætt­urn­ar sem steðji að sveit­ar­fé­lag­inu Norðurþingi séu jarðskjálft­ar ann­ars veg­ar og jök­ulflóð í kjöl­far eld­goss í norðan­verðum Vatna­jökli hins veg­ar.

Grím­ur seg­ir það svo sem al­veg þekkt að eitt­hvað sé að ger­ast í jökl­in­um. Viðbragðsáætl­un lög­reglu geri ráð fyr­ir því að hægt sé virkja hana á óvissu­stigi sem í raun og veru segi ekki neitt annað en að viðbragðsaðilar tengd­ir verk­efn­inu yf­ir­fari sín hlut­verk í áætl­un­inni ef eitt­hvað fram­hald yrði á.

„Menn svona opna plögg­in og dusta rykið kannski af þeim hlut­verk­um sem bíða manna ef ástandið fer yfir á hættu­stig eða neyðarstig.“

Frétt af mbl.is

Kröft­ug­asta hrin­an frá síðasta gosi

Plaggið til frá 2014

Minn­ist Grím­ur á að viðbragðsaðilar eigi ágæt­is mynd af óróa í jökl­in­um en virk aðgerðastjórn stóð yfir í sex mánuði í eld­gos­inu í Holu­hrauni árið 2014. Seg­ir hann að þá hafi verið viðhöfð sams kon­ar viðbrögð og áætl­un ger­ir ráð fyr­ir í dag þar sem m.a. er gert ráð fyr­ir rým­ingu ef kem­ur til jök­ulflóðs.

„Þetta plagg er til með fyr­ir­skrifuðum hlut­verk­um allra viðbragðsaðila sem eru hér í um­dæm­inu.“

Ekki er að heyra annað en að Grím­ur sé nokkuð ró­leg­ur yfir stöðunni. Seg­ir hann aðgerðastjórn í stöðugu sam­tali við okk­ar fær­ustu vís­inda­menn sem séu best til þess falln­ir að segja til hvað þetta gæti í raun og veru leitt af sér.

„Þau eru fag­fólkið í þessu og við treyst­um á þeirra vitn­eskju og þekk­ingu.“