„Stóra málið í mín­um huga er að fram­kvæmd kosn­inga á að heppn­ast bet­ur en að það þurfi að reyna á það oft­ar en einu sinni og oft­ar en tvisvar hvort at­kvæði hafi skilað sér. Það er auðvitað ekki gott.“

Þetta seg­ir Þor­björg Sig­ríður Gunn­laugs­dótt­ir dóms­málaráðherra í sam­tali við mbl.is.

Und­ir­bún­ings­nefnd Alþing­is fyr­ir rann­sókn kosn­inga kom sam­an til fund­ar með lands­kjör­stjórn í gær en lands­kjör­stjórn tel­ur brýnt að end­ur­skoða með heild­stæðum hætti fram­kvæmd utan­kjör­fund­ar­at­kvæðagreiðslu, bæði hér heima og er­lend­is, sér­stak­lega með það í huga að gera hana skil­virk­ari og ör­ugg­ari í fram­kvæmd.

Pirraður ráðherra

Heill kassi með utan­kjör­fund­ar­at­kvæðum skilaði sér ekki á taln­ing­arstað í Norðaust­ur­kjör­dæmi og 25 utan­kjör­fund­ar­at­kvæði urðu inn­lyksa á bæj­ar­skrif­stof­um Kópa­vogs­ dag­inn fyr­ir kosn­ing­ar en það upp­götvaðist ekki fyrr en tveim­ur dög­um eft­ir þær.

Seg­ist ráðherra geta verið heiðarleg með að hún pirrist yfir að lesa að fram­kvæmd­in hafi verið með þess­um hætti.

„Svona fram­kvæmd og frétt­ir af henni geta haft áhrif á traust fólks til kosn­inga þannig að mér er síður en svo skemmt.“

Frétt af mbl.is

Farið yfir niður­stöður kosn­ing­anna

Regl­urn­ar ein­fald­lega þannig

Spurð hvort það skjóti ekki skökku við að þing­manna­nefnd skoði fram­kvæmd sem geti haft áhrif á það hverj­ir hljóti þing­sæti og hverj­ir ekki seg­ist Þor­björg geta skilið að fólki finn­ist það sér­stakt en regl­urn­ar séu ein­fald­lega með þeim hætti og þannig sé fyr­ir­komu­lagið á Íslandi.

„Stóra málið er að svona fram­kvæmd verður bara að vera í lagi og við ætt­um ekki að þurfa að sitja hér og eiga þetta sam­tal.“

Þá seg­ir Þor­björg það sjálf­stætt sam­tal hvort skoða þurfi reglu­verkið í kring­um utan­kjör­fund­ar­at­kvæðagreiðslur al­mennt séð eða í kjöl­far þessa máls.

Frétt af mbl.is

At­kvæði líka í súg­inn í Norðaust­ur­kjör­dæmi

Vægi at­kvæða jafn­ræðismál

Viðreisn hef­ur talað fyr­ir því að jafna vægi at­kvæða. Hver er þín afstaða til þess? Ætti landið allt jafn­vel að vera eitt kjör­dæmi?

„Áherslupunkt­ur­inn hef­ur verið þetta jafn­ræðismál um vægi at­kvæða frem­ur en að horfa til þess að landið verði eitt kjör­dæmi. Það hef­ur verið afstaða Viðreisn­ar og ég er höll und­ir slík sjón­ar­mið, já.“