Ábatinn gæti verið meiri en áhættan

Þyngdarstjórnunarlyf | 6. febrúar 2025

Ábatinn gæti verið meiri en áhættan

„Við búumst við að fá fréttir frá lyfjaöryggisnefnd Lyfjastofnunar Evrópu (EMA) um miðjan maí, en Novo Nordisk er nú að yfirfara öll gögn eftir að öryggisnefndin tók erindið fyrir um miðjan janúar.“

Ábatinn gæti verið meiri en áhættan

Þyngdarstjórnunarlyf | 6. febrúar 2025

Eitt af semglútíðlyfjunum er hið þekkta Ozempic sem bæði virkar …
Eitt af semglútíðlyfjunum er hið þekkta Ozempic sem bæði virkar vel fyrir fólk í hættu á að fá sykursýki 2 og aðra hættulega sjúkdóma. AFP

„Við bú­umst við að fá frétt­ir frá lyfja­ör­ygg­is­nefnd Lyfja­stofn­un­ar Evr­ópu (EMA) um miðjan maí, en Novo Nordisk er nú að yf­ir­fara öll gögn eft­ir að ör­ygg­is­nefnd­in tók er­indið fyr­ir um miðjan janú­ar.“

„Við bú­umst við að fá frétt­ir frá lyfja­ör­ygg­is­nefnd Lyfja­stofn­un­ar Evr­ópu (EMA) um miðjan maí, en Novo Nordisk er nú að yf­ir­fara öll gögn eft­ir að ör­ygg­is­nefnd­in tók er­indið fyr­ir um miðjan janú­ar.“

Þetta seg­ir Rúna Hauks­dótt­ir Hvann­berg for­stjóri Lyfja­stofn­un­ar varðandi frétt­ir af tveim­ur rann­sókn­um sem gætu bent til þess að sam­band væri milli notk­un­ar semaglútíðlyfja og auk­inn­ar tíðni al­var­legs augn­sjúk­dóms, blóðþurrðarsjóntaug­arkvilla án slagæðabólgu, sem get­ur skemmt sjóntaug­ina og jafn­vel or­sakað blindu.

Til­kynna þarf auka­verk­an­ir

„Þegar lyf kom­ast í svona víðtæka dreif­ingu má bú­ast við að auka­verk­an­ir geti komið upp á al­heimsvísu og bara hér­lend­is eru rúm­lega 16 þúsund á þess­um lyfj­um. Í þess­um rann­sókn­um var auk­in fylgni milli þeirra syk­ur­sýk­is­sjúk­linga sem notuðu semaglútíðlyf­in og þeirra sem fengu þenn­an al­var­lega augnskaða og það er mjög mik­il­vægt að rann­saka hvort tengsl séu þarna á milli. Í Dan­mörku fóru til­felli sjúk­dóms­ins úr 60 í 150, sem er mik­il fjölg­un, en á sama tíma hef­ur notk­un lyfs­ins auk­ist gríðarlega, og miklu meira en þetta hlut­fall,“ seg­ir Rúna og að full­trú­ar Novo Nordisk haldi því fram að ábat­inn af lyfj­un­um sé miklu meiri en áhætt­an.

„Við leggj­um mikla áherslu á að all­ir sem nota lyf­in láti okk­ur vita ef þeir fá ein­hverj­ar auka­verk­an­ir svo að við get­um haldið utan um þetta og safnað upp­lýs­ing­um.“

„Það er ekki búið að finna ennþá hvort það sé beint or­saka­sam­band á milli semaglútíðlyfj­anna og augn­sjúk­dóms­ins,“ seg­ir Erla Gerður Sveins­dótt­ir, sér­fræðilækn­ir í offitu, og bætr við að gríðarleg­ur fjöldi fólks hafi notað þessi lyf und­an­far­in ár.

Lesa má meira um málið í Morg­un­blaðinu í dag. 

mbl.is