Meðal þeirra 918 útgerða sem greiddu veiðigjöld árið 2024 greiddu Brim hf. og Samherji langmest, að því er fram kemur í umfjöllun Morgunblaðsins. Greiddi Brim 976,8 milljónir króna og Samherji 931,1 milljón, en samanlagt greiddu félögin tæp 19% allra veiðigjalda.

Alls greiddu útgerðir 10,8 milljarða króna í veiðigjöld á síðasta ári. Um er að ræða 2% aukningu í fjármagni þrátt fyrir loðnubrest sem og að þrjár gjaldskyldar tegundir 2023 voru ekki gjaldskyldar 2024.

Frétt af mbl.is

Veiðigjöldin tæpir 11 milljarðar í fyrra

Áberandi er að tiltölulega fáar útgerðir standa skil á megninu af veiðigjöldum. Alls greiddu 23 útgerðir meira en hundrað milljónir í veiðigjöld, samtals greiddu þær 7,7 milljarða króna eða ríflega 75% allra innheimtra veiðigjalda.

Þá greiddu 773 útgerðir innan við milljón í veiðigjöld árið 2024.

Lesa má um veiðigjöld síðasta árs í Morgunblaðinu í dag.