Ástráður Haraldsson ríkissáttasemjari, segir að enn sé djúpstæður ágreiningur á milli deiluaðila í kjaradeilu kennara, ríkis og sveitarfélaga þó að ekki séu mörg mál eftir ókláruð. Viðræður hafi gengið töluvert betur í fyrradag en þær gerðu í gær. Fundur hófst á ný klukkan 13 í dag.

„Þetta er oft svona upp og niður,“ segir Ástráður og bendir á að misjafnlega getið staðið á hjá fólki.

„Svo eru þetta samt þrátt fyrir allt ekkert margir hlutir sem þarf að klára, en bæði er djúpstæður ágreiningur og síðan er það þannig að við erum að reyna að semja nokkurn veginn samtímis á tveimur dálítið ólíkum samningssviðum. Það einfaldar nú ekki málin.“

Frétt af mbl.is

„Engin vöfflulykt komin í húsið ennþá“

„Fjörbrot“ þegar reynt er að leiða mál til lykta

Eftir að verkföll kennara hófust á ný á mánudag, í kjölfar fundalotu um síðustu helgi þar sem reynt var til þrautar að ná samningi, fóru deiluaðilar að skiptast á skoðunum í fjölmiðlum.

Var staðan orðin þannig að mati ríkissáttasemjara að hann biðlaði til fólks að hætta „hnútukasti í fjölmiðlum“ og einbeita sér frekar að því að efla samningsviljann.

Tóku deiluaðilar jákvætt í þau tilmæli.

„Við vorum að reyna með seiglu að koma þessu aftur af stað. Svo þegar eitthvað hreyfist þá kviknar eitthvað á mönnum. Og það var alveg þannig þarna á þriðjudaginn, miðvikudaginn, en svo þegar á að reyna að leiða hluti til lykta og koma mönnum í höfn, þá eru oft einhver fjörbrot í því,“ segir Ástráður.

„En þetta er bara eins og í annarri stórgripaslátrun, þú hættir ekki þegar þú ert byrjaður,“ bætir hann við.

Frétt af mbl.is

Segir deiluaðilum að hætta hnútukasti í fjölmiðlum

Verkföll hófust á ný á mánudag

Á mánu­dag hóf­ust ótíma­bund­in verk­föll í fjór­tán leik­skól­um og tíma­bund­in verk­föll í sjö grunn­skól­um, sem hafa áhrif á um 5.000 börn og fjöl­skyld­ur þeirra.

Í dag samþykktu svo kenn­ar­ar í fimm fram­halds­skól­um að hefja ótíma­bund­in verk­föll þann 21. fe­brú­ar, ná­ist samn­ing­ar ekki fyr­ir þann tíma. Verk­fall var einnig samþykkt í ein­um tón­list­ar­skóla.

Frétt af mbl.is

Í þessum leik- og grunnskólum eru fyrirhuguð verkföll