„Ég var með samviskubit fyrstu dagana því það eina sem vantaði hjá Víkingi var að geta byrjað að æfa aðeins fyrr á daginn,“ sagði Arnar Gunnlaugsson, nýráðinn þjálfari íslenska karlalandsliðsins í knattspyrnu, í Dagmálum.

Arnar, sem er 51 árs gamall, var ráðinn landsliðsþjálfari þann 15. janúar eftir að hafa stýrt Víkingi úr Reykjavík frá árinu 2018 en liðið varð tvívegis Íslandsmeistari undir stjórn Arnars og fjórum sinnum bikarmeistari.

Gríðarlega stoltur að hafa fengið starfið

Allt komið í ró klukkan sjö

Álagið sem landsliðsþjálfari er talsvert öðruvísi en þegar þú þjálfar félagslið og Arnar er mun meira heima hjá sér seinni partinn í dag en þegar hann stýrði Víkingsliðinu.

„Það var vinna yfir daginn, leikgreina og annað, og svo byrjaði aðalvinnan í kringum æfingarnar sem stóðu yfir frá fjögur til sex,“ sagði Arnar.

„Maður var að koma mjög víraður heim til sín um sjö á kvöldin þegar allt var komið í ró. Mér líður eins og ég sé að kynnast krökkunum og konunni upp á nýtt. Sem betur fer er þetta fínasta fólk.

Ég þurfti á þessu að halda því þetta hefur verið svakaleg törn með Víkingunum,“ sagði Arnar meðal annars.

Viðtalið við Arnar í heild sinni má nálgast með því að smella hér eða á hlekkinn hér fyrir ofan.

Arnar Gunnlaugsson ásamt sambýliskonu sinni Maríu Builien Jónsdóttur. Skjáskot/Facebook